Petóiá ánti kamaroꞌana Pueꞌ Ala
113
Haleluia! Tatóiá PUEꞌ!Ee huoꞌána PUEꞌ, nitóiá miꞌi,
nipomahile hangaꞌna PUEꞌ!
2 Hampóáꞌworia hangaꞌna PUEꞌ ina ratóiá
deꞌe-deꞌe haweꞌ i rue-ruena.
3 Tetóiá miꞌi PUEꞌ i humalele duniáꞌ,
hangko i pembetoá alo haweꞌ i katámpuána.
4 PUEꞌ makuasaꞌ i upu-upu tauna i duniáꞌ,
hai peawaꞌNa melumbuꞌ kamapángkáꞌna hangko i langiꞌ.
5 Heáná paꞌi to hibali hai Pueꞌ Ala PUEꞌtaꞌ?
Ia mepárentá hangko i surugáꞌ.
6 Ia mampetiro bona moita upu-upu to mewaliꞌ
i langiꞌ hai i duniáꞌ.
7 Ia mopakaróhó tauna to meahiahiꞌ,
hai motulungi tauna to tiꞌara nakaꞌarai.
8 Napomahileheꞌ hibali hai tadulakoraꞌ taunáNa,
mehodaheꞌ hingkakani hai tuꞌáná.
9 Ia mowátiꞌ towawine to lalo álána moánáꞌ,
haneꞌi towawine iti góeꞌ hai rabiláꞌ i oloꞌraꞌ tinána.
Haleluia! Tatóiá PUEꞌ!