Morasiꞌ tauna to manótó
112
Haleluia! Tatóiá PUEꞌ!Morasiꞌ miꞌi tauna to mengkoruꞌ i PUEꞌ,
to góeꞌ mampopolumao upu-upu párentáNa.
2 Pemuleꞌánaheꞌ ina makuasaꞌ i tampoꞌ deꞌe.a
Tauna to manótó ina nawátiꞌ PUEꞌ.
3 Ina pebukuheꞌ hai maroꞌa oaꞌ katueꞌraꞌ.
Kamaroꞌana bábehiáraꞌ ina ara oaꞌ haweꞌ i rue-ruena.
4 Pewangkaꞌ mewangkaꞌ i kamakáindi i tauna to manótó,
maroꞌa laluraꞌ, bukeꞌ ahiꞌ, hai bukeꞌ timbá.
5 Morasiꞌ tauna to maroꞌa laluraꞌ,
to tiꞌara bohiꞌ mampopebolo dóiꞌ,
hai manoroꞌ laluraꞌ i kamampopolumaona bágóꞌraꞌ.
6 Tauna to manótó iti tiꞌara ina molámbiꞌ rugiꞌ,
ina rabuhinao oaꞌ haweꞌ i rue-ruena.
7 Tiꞌaraheꞌ malááꞌ ane mohádi bámbári to kadake,
ngkáliꞌna riꞌi maróhó oaꞌ laluraꞌ láwiꞌ mehárungáheꞌ i PUEꞌ.
8 Maróhó laluraꞌ hai tiꞌaraheꞌ malááꞌ,
láwiꞌ raisá PUEꞌ ina monangiheꞌ ewáliraꞌ.
9 Mogáláꞌ-gáláꞌheꞌ párewáraꞌ i tauna to meahiahiꞌ tueꞌraꞌ,
kamaroꞌana laluraꞌ tiꞌara mokahópóꞌá.b
Ina makuasaꞌheꞌ hai rabiláꞌ.
10 Tauna to kadake mangkukuꞌ bágá
ánti kakóiꞌna inaoraꞌ moita tauna to manótó.
Ina tunaheꞌ,
hai poliworaꞌ tiꞌara ina mewaliꞌ.