Petóiá i Pueꞌ
111
Haleluia! Tatóiá PUEꞌ!Ina motóiáꞌaꞌ PUEꞌ hangko i lalungkuꞌ ntepuꞌu
i kahirámpuáraꞌ taunáNa to manótó.
2 Maroꞌa ntepuꞌu apa to nabábehi PUEꞌ,
hintotoꞌ rapepekiri upu-upu tauna to mampogóeꞌ bábehiáNa iti.
3 Upu-upu to Nabábehi mopatongawaꞌ peawaꞌNa hai peádáiNa.
KamanótóNa tiꞌara mokahópóꞌá.
4 Ia mobábehi to maroꞌa ntepuꞌu
bona tabuhinao oaꞌ PUEꞌ bukeꞌ ahiꞌ hai maroꞌa laluNa.
5 Ia mampeweꞌi pandeꞌ i tauna to mengkoruꞌ i Hia,
hai Ia mambuhinao oaꞌ pototowiNa.a
6 Ia mopatongawaꞌ kuasaꞌNa i taunáNaheꞌ
moliu kaNaweꞌiraꞌ tampoꞌraꞌ tauna mewaliꞌ sosoraraꞌ.
7 Upu-upu to Nabábehi manótó hai hintotoꞌ,
upu-upu áturáNa peisá rapoinálái.
8 PárentáNa maróhó oaꞌ haweꞌ i rue-ruena,
bona rapeuláꞌi tauna to tetidaꞌ hai manótó.
9 Ia to mokábáháheꞌ taunáNa,
hai mopakanótó pototowiNa haweꞌ i rue-ruena.
Ia magasaꞌ hai hintotoꞌ rabiláꞌ.
10 Ane nuꞌundeꞌ mewaliꞌ tauna to bukeꞌ kanótó lalu,
to hangaa-ngaa nupaioru ia miꞌi mengkoruꞌkoꞌ i PUEꞌ.b
Upu-upu tauna to mampeuláꞌi áturáNa
ina mantámbái kamapánderaꞌ.
Hintotoꞌ tatóiá PUEꞌ haweꞌ i rue-ruena.