Pueꞌ modándi hai datu to Napileꞌi
110
Nanina Daudiꞌ.
PUEꞌ molaluita i pueꞌkuꞌ, Nauliꞌ:
“Mehodamokoꞌ tándáꞌ i kuánáNgkuꞌ
haweꞌ i kaKupopengkoruꞌraꞌ ewálimu i hio.”a
2 PUEꞌ ina motámbái kuasaꞌmu
mepárentá hangko i buluꞌ Sio,
hai ina mopárentákoꞌ ewálimuheꞌ.
3 I alo kanutadulakoiraꞌ surudadoꞌmuheꞌ,
handaꞌheꞌ tobaleilo to maleheꞌ mani ina laoheꞌ i hio,
nodo namu to mesupaꞌ tempóna alo membeto, q2 bona modureikoꞌ mombeala.
4 PUEꞌ modándi miꞌi, tiꞌara ina mobáliki pekiriNa,
“Io miꞌi tadulako menómbá duuꞌna i rue-ruena,
mouláꞌ karapotadulako menómbána Mekisedeꞌ.”b
5 Pueꞌ ara tándáꞌ i kuánámu bona mokámpáikoꞌ.
I alo kamabukoꞌNa, Ia ina monangi datu-datu.
6 Ia ina mohuku tauna i duniáꞌ álána wátámandoꞌraꞌ kandulinga.
Ia ina monangiheꞌ tadulako-tadulako i humalele duniáꞌ.
7 Datu ina mainu hangko i uwai to i wiwi rárá.c
Ia rapakaróhó bona monangiheꞌ ewálina.