Pueꞌ Ala to magasaꞌ
99
PUEꞌ Ia miꞌi Datu,onoꞌ miꞌi haneꞌi upu-upu tauna i duniáꞌ moridiꞌ.
Ia mehoda i hiliꞌraꞌ kerubi i pehodaꞌá datu,a
onoꞌ miꞌi haneꞌi duniáꞌ moenggo.
2 PUEꞌ makuasaꞌ ntepuꞌu i kótá Sio,
hai maróhó kuasaꞌNa i upu-upu tauna i duniáꞌ.
3 Monaniheꞌ motóiá kamahilena hangaꞌNa to melááꞌ-lááꞌi.
Ia miꞌi to magasaꞌ.
4 Ee Datu to makuasaꞌ, góeꞌKoꞌ ane tauna mampopolumao áturá-áturá.
Io miꞌi to mopatindáꞌ áturá to manótó,
bona toSáráeliꞌ, pemuleꞌánaheꞌ Iako, mampopolumao áturá iti
i kahintimbá hai kamanótó.b
5 Nipomahile miꞌi Pueꞌ Ala, PUEꞌtaꞌ!
Molingkudumokou menómbá i bitiNa,
Ia miꞌi to magasaꞌ.
6 Musa hai Haruni tepasuaꞌheꞌ tadulako menómbá,
hai Semueli woꞌo tepasuaꞌ tauna to membiáꞌ tulungi i PUEꞌ.
Meraruaꞌheꞌ i PUEꞌ,
hai Ia mohániki pekakaeraꞌ.
7 Ia molaluita i hira hangko i áriꞌi gawu.c
Mampeuláꞌiheꞌ párentáNa hai áturá-áturá to Naweꞌiheꞌ.
8 Ó PUEꞌ, Pueꞌ Ala to kipenómbái, Nuhánikimoheꞌ.
Io miꞌi Pueꞌ Ala to moámpungi toSáráeliꞌ,
agáiáná bateꞌna Nuhukuheꞌ ane mobábehiheꞌ salaꞌ.
9 Nipomahile Pueꞌ Ala, PUEꞌtaꞌ,
hai menómbámokou i buluꞌNa to magasaꞌ,
láwiꞌ magasaꞌ PUEꞌ, Pueꞌ Ala to tapenómbái.