Petóiá i Pueꞌ Ala
100
Nani to manguliꞌ handaꞌ kamaroꞌana i Pueꞌ Ala.
Ee upu-upu tauna to i duniáꞌ,
nitóiá miꞌi PUEꞌ Ala i kagóeꞌ-góeꞌ.
2 Maimokou monani i lindoꞌna PUEꞌ,
menómbámokou i Hia i kagóeꞌ-góeꞌ.
3 Hangaa-ngaa nibuhinao, PUEꞌ Ia miꞌi Pueꞌ Ala.
Ia miꞌi to mampopewaliꞌkeꞌ,
hai kitaꞌ taunáNa to Nakádipurá
nodo topoewu mokámpái dimbána.
4 Mesuaꞌmokou i támbiNa moliu babaꞌá,
monanimokou mesuaꞌ i tangabaa támbiNa,
manguliꞌ handaꞌ kamaroꞌana i Hia
hai motóiákou hangaꞌNa,
5 láwiꞌ PUEꞌ maroꞌa.
Ia mopatongawaꞌ oaꞌ kamaꞌahiꞌNa,
hai katetidaꞌNa tongawaꞌ oaꞌ haweꞌ-haweꞌ i pemuleꞌántaꞌheꞌ.