Pueꞌ Ia miꞌi Datu haweꞌ i rue-ruena
93
PUEꞌ Ia miꞌi Datu to meawaꞌ ntepuꞌu,Ia mopakeꞌ waruꞌ peawaꞌNa hai kamakuasaꞌNa.
Ia to mopakaróhó peángkáꞌna duniáꞌ,
tiꞌara ara to peisá mogero.
2 KamakuasaꞌMu mepárentá tepakanótó miꞌi hangkoia,
ambiꞌna miꞌi Io Pueꞌ ara oaꞌ hangko i rungu-runguna.
3 Ó PUEꞌ, pewoona tahiꞌ rumihi ntepuꞌu,
upu-upuna tahiꞌ rumihi ntepuꞌu bálumbána.
4 Agáiáná ara to melumbuꞌ mani kuasaꞌNa
hangko i pewoona tahiꞌ to maeláꞌ,
to makuasaꞌ mani hangko i bálumbá,
Ia miꞌi PUEꞌ to i surugáꞌ, Ia to makuasaꞌ ntepuꞌu.
5 Ó PUEꞌ, áturáMu molumao oaꞌ,
támbiMu magasaꞌ haweꞌ i rue-ruena.