Pekakae membiáꞌ tulungi
70
I topoánti toponani. Nanina Daudiꞌ, bona nabuhinao Pueꞌ i tempó mohuhuꞌ popenómbá.
2 Ó Pueꞌ Ala, hawiáꞌKoꞌ mokábáháꞌaꞌ.
Ó PUEꞌ, Nugagu mai motulungiaꞌ.
3 Hampóáꞌworia tauna to mampoinao ina mopapateaꞌ
Nupamahiliheꞌ hai Nupawuliheꞌ.
Hampóáꞌworia Nunangiheꞌ hai Nupakahiliáheꞌ
tauna to mampoinao bona molámbiꞌaꞌ rugiꞌ.
4 Mekakaeaꞌ bona tauna to góeꞌ ánti kamapáringkuꞌ
mesuleꞌheꞌ ánti kamahiliraꞌ.
5 Mekakaeaꞌ bona upu-upu tauna to moundeꞌ menómbá i Hio
motóiáKoꞌ hai góeꞌheꞌ ánti kaꞌIona.
Mekakaeaꞌ bona tauna to góeꞌ ánti petulungiMu
ina manguliꞌheꞌ, “Tapomahile Pueꞌ Ala!”
6 Agáiáná kódóꞌ deꞌe tauna to meahiahiꞌaꞌ hai mapári tueꞌkuꞌ.
Ó Pueꞌ Ala, hawiáꞌKoꞌ mai.
Io miꞌi to motulungiaꞌ hai mopelaeaꞌ.
Ó PUEꞌ, ineeꞌKoꞌ mawewe motulungiaꞌ.