Pekakae membiáꞌ tulungi bona Pueꞌ mokámpái
54
I topoánti toponani. Rananika hai kasapi. Nani pepaturoꞌ to nakáráhi Daudiꞌ2 mokana i tempóraꞌ toSipiꞌ lao mopahaweꞌ i Saulu, “Daudiꞌ mebuni i oloꞌkiꞌ.”a
3 Ó Pueꞌ Ala, ánti kaꞌIona,
kupembiáꞌ bona Nupelaeaꞌ.
Nubutusi kara-karangkuꞌ i kanótó-nótóána,
láwiꞌ Io to makuasaꞌ.
4 Ó Pueꞌ Ala, Nupehádingi pekakaengkuꞌ,
hai Nupailalu laluita to kuhuwárá,
5 láwiꞌ tauna to mampepemahile moewaꞌaꞌ,
tauna to masekeb moundeꞌ ina mopapateaꞌ,
tiꞌaraheꞌ mobiláꞌ Pueꞌ Ala.
6 Agáiáná bateꞌna Pueꞌ Ala to motulungiaꞌ,
Ia to mamperuruꞌiaꞌ.
7 Hampóáꞌworia kakadakeraꞌ ewálingkuꞌheꞌ ina mesuleꞌ huleꞌ i hira.
Kupembiáꞌ bona Nupatunaheꞌ ánti katetidaꞌMu i kódóꞌ.
8 Hangko i kabulána lalungkuꞌ,
ina mohuhuꞌaꞌ popenómbángkuꞌ i Hio.
Ina manguliꞌaꞌ handaꞌ kamaroꞌana i Hio,
ánti kamaroꞌana hangaꞌMu PUEꞌ,
9 láwiꞌ Nukábáhámoꞌ hangko i hinángkáꞌna kamapáringkuꞌ,
hai kuita miꞌi kamanangiraꞌ ewálingkuꞌ.