Pekakae i tampoꞌ karatawaniá
(Kaliliuána S.Pet. 42)
43
Ó Pueꞌ Ala, kupembiáꞌ bona Nupatongawaꞌ katiꞌárángkuꞌ masalaꞌ.Nupelaeaꞌ hangko i ewálingkuꞌ,
iamoheꞌ tauna to tiꞌara mengkoruꞌ i Hio.
Nupeámpáráiaꞌ hangko i tauna to kadake hai to mebagiuꞌ.
2 Io miꞌi Pueꞌ Ala pengkatueꞌángkuꞌ,
moapa riꞌi haneꞌiaꞌ Nupálehi?
Moapa riꞌi haneꞌiaꞌ Nupatodáhi wiora,
hai rapopeahiahiꞌ ewálingkuꞌ?
3 Kupembiáꞌ bona Nupatongawaꞌ katetidaꞌMu i kódóꞌ,
Nuwangkaꞌi hai Nuteteꞌaꞌ
bona peisáꞌaꞌ mesuleꞌ lao i katoroꞌáMu,
ia miꞌi buluꞌ Sio to magasaꞌ.
4 Ina laoaꞌ i paintuá popenómbá,
ina menómbáꞌaꞌ i Pueꞌ Ala to mopagóeꞌaꞌ.
Pueꞌ Ala to kupenómbái, ina kutóiáKoꞌ hai kasapi.
5 Moapa riꞌi haneꞌi wiora lalungkuꞌ?
Moapa riꞌi haneꞌi masusa lalungkuꞌ?
Rángina miꞌi mehárungáꞌaꞌ i Pueꞌ Ala.
Ina metóiá wopaꞌaꞌ i Hia.
Pueꞌ Ala to kupenómbái ina motulungiaꞌ.