PUEꞌ to mampoewu katueꞌkuꞌ
23
Nani to nakáráhi Daudiꞌ.
PUEꞌ miꞌi to mampoewu katueꞌkuꞌ,
onoꞌ haneꞌi tiꞌara ara kamakuraꞌkuꞌ.
2 Ia moántiaꞌ i pádá to maruduꞌ rumpuꞌna,
bona peisáꞌaꞌ mengkaroo ionoꞌ.
Nateteꞌaꞌ lao i uwai to lintuꞌ.
3 Napakaróhó lalungkuꞌ.
Nateteꞌaꞌ i rárá to maroꞌa
ánti kamahilena hangaꞌNa.
4 Kehapiꞌaꞌ molumao i lokeꞌna to makáindi ntepuꞌu,
tiꞌaraꞌaꞌ malááꞌ
láwiꞌ Io to mamporángáꞌaꞌ.
Laiꞌ hai pebóbáꞌMu mokámpáiaꞌ.
5 Nupatimamaꞌáꞌaꞌ pandeꞌ posusa
i lindoꞌraꞌ ewálingkuꞌ.
Nububuhi wuáꞌkuꞌ hai lana to mawongi,
hai painuángkuꞌ Nupabukeꞌ duuꞌna lumbeáꞌ.
6 KamaroꞌaMu hai kamaꞌahiꞌMu
bateꞌna ina tongawaꞌ oaꞌ i lalu katueꞌkuꞌ,
hai ina toroꞌaꞌ i lalu támbiMu
haweꞌ i rue-ruena.