Tauna to hintotoꞌ i lindoꞌna PUEꞌ
15
Nani to nakáráhi Daudiꞌ.
Ó PUEꞌ, heáná paꞌi to peisá toroꞌ i támbiMu?
Heáná paꞌi to peisá toroꞌ i buluꞌMu to magasaꞌ?a
2 Ia miꞌi tauna to tiꞌara ara kamasalaꞌna,
to mobábehi apa to hintotoꞌ,
hai to mopahaweꞌ laluita to toꞌu hangko i laluraꞌ ntepuꞌu.
3 Tiꞌaraheꞌ haweꞌ hangkani mohuwárá laluita petitibei,
tiꞌaraheꞌ mobábehi bábehiá to kadake i hángká rángáraꞌ,
tiꞌaraheꞌ woꞌo mopakadake hángká rángáraꞌ,
4 hai tiꞌaraheꞌ mobiláꞌ tauna to tegááki hangko i PUEꞌ,
agáiáná moádáiheꞌ tauna to mengkoruꞌ i Hia.
Dándiraꞌ rapabukeꞌi, kehapiꞌheꞌ molámbiꞌ rugiꞌ.
5 Mampeweꞌiheꞌ dóiꞌraꞌ rapebolo,
hai tiꞌara rapopobungaꞌ,
to tiꞌara mau moala dóiꞌ sogoꞌ
bona mopakarugiꞌheꞌ tauna to tiꞌara masalaꞌ.
Tauna to noꞌonoꞌ bábehiáraꞌ tiꞌaraheꞌ ina rapakanawoꞌ.