Pekakaena tauna to rapopeahiahiꞌ
13
I topoánti toponani. Nani to nakáráhi Daudiꞌ.
2 Ó PUEꞌ, hangapa mani kamaruena tiꞌaraꞌaꞌ oaꞌ Nupehaileꞌ?
Hangapa mani kamaruena mebuniKoꞌ hangko i kódóꞌ?
3 Hangapa mani kamaruengkuꞌ mantódihá kapári
hai i alo-alona molámbiꞌaꞌ kawiora?
Hangapa mani kamaruengkuꞌ ina rakuasaꞌi ewálingkuꞌ?
4 Ó Pueꞌ Ala PUEꞌkuꞌ, Nupeitaꞌaꞌ wongkódóꞌá.
Kupembiáꞌ bona Nuhániki pekakaengkuꞌ.
Nupakaróhó buꞌungkuꞌ,
hai ineeꞌaꞌ Nupatodáhi mate.
5 Ineeꞌheꞌ Nupatodáhi ewálingkuꞌ manguliꞌ,
“Ia kunangi miꞌi,”
hai ineeꞌheꞌ Nupatodáhi ewálingkuꞌ mampogóeꞌ kamaledeꞌkuꞌ.
6 Agáiáná kódóꞌ, mehárungáꞌaꞌ i kamaꞌahiꞌMu to tiꞌara madepuꞌ-depuꞌ,
hai góeꞌ lalungkuꞌ
láwiꞌ Io to mampelae katueꞌkuꞌ.
Ó PUEꞌ, ina monaniaꞌ nani petóiá i Hio,
láwiꞌ Io to mobábehi miꞌi hinángkáꞌ to maroꞌa i kódóꞌ.