Peawaꞌna Pueꞌ Ala hai tauna
8
I topoánti toponani. Rananika mouláꞌ nani “Gitiꞌ.” Nani to nakáráhi Daudiꞌ.
2 Ó Pueꞌ Ala PUEꞌkiꞌ,
kamahilena hangaꞌMu tebámbári i humalele duniáꞌ,
peawaꞌMu melumbuꞌ kamapángkáꞌna hangko i langiꞌ.
3 RatóiáKoꞌ ánángkóiꞌ hai ánáꞌlei,a
PopárentáMu maróhó, tiꞌara peisá ranangi.
MopakaniiꞌKoꞌ ewáliMu hai upu-upu tauna to moewaꞌKoꞌ.
4 Ane kupeitai langiꞌ to Nupopewaliꞌ,
noꞌonoꞌ woꞌo wulá hai hinángkáꞌna betue to Nupatakaꞌ,
5 {kupekuneꞌ i lalungkuꞌ,} apa ripaꞌi iti tauna haneꞌiheꞌ Nupepekiri?
Apa ripaꞌi tauna haneꞌiheꞌ Nukádipurá?
6 Nupopewaliꞌheꞌ hungkuꞌ hibali hai Io, Pueꞌ Ala.b
Nuweꞌiheꞌ kuasaꞌ mepárentá hai Nupomahileheꞌ.
7 Nuweꞌiheꞌ kuasaꞌ mokádipurá upu-upu to Nupopewaliꞌ,
Nupopengkoruꞌ hinángkáꞌna i tauna,c
8 tepasuaꞌ bekeꞌ, dimbá, gapiꞌ, hai upu-upu binataꞌ ntániꞌna to rapiaraꞌ,
noꞌonoꞌ woꞌo binataꞌ to maila to tueꞌ i pádá hai i kakau,
9 hai upu-upu tádáhi, bouꞌ, hai upu-upu to tueꞌ i tahiꞌ.
10 Ó Pueꞌ Ala PUEꞌkiꞌ,
kamahilena hangaꞌMu tebámbári i humalele duniáꞌ.