Pekakae mepulo
3
Nani to nakáráhi Daudiꞌ mokana i tempóna melangka hangko i Abisalo ánáꞌna.a
2 Ó PUEꞌ! Handaꞌ ntepuꞌuheꞌ ewálingkuꞌ!
Handaꞌ tauna to moewaꞌaꞌ.
3 Handaꞌheꞌ to manguliꞌ mokana i kódóꞌ,
“Pueꞌ Ala tiꞌara piꞌi mau motulungi tauna iti.”
4 Mole Io miꞌi PUEꞌ nodo lábá to mokámpáiaꞌ.
Io miꞌi to mampoweꞌiaꞌ penangi hai Nupakaróhó lalungkuꞌ.
5 Mekióꞌaꞌ i PUEꞌ,
hai Nahánikiaꞌ hangko i wongko buluꞌNa to magasaꞌ.b
6 Maturuaꞌ hai maroꞌa kaletaꞌkuꞌ.
Mearóaꞌ láwiꞌ PUEꞌ to mokámpáiaꞌ!
7 Kehapiꞌ miꞌi i sábuna ewálingkuꞌ to mai motolelingiaꞌ,
tiꞌaraheꞌ kupokalááꞌ.
8 Ó PUEꞌ, maiaꞌ wongkódóꞌá Nupelae!
Ó Pueꞌ Ala to kupenómbái,
kupembiáꞌ bona Nupamanangiheꞌ upu-upu ewálingkuꞌ,
hai Nutepóꞌ ngihiraꞌ tauna to kadake iti.
9 Hangko i Hio PUEꞌ ara penangi.
Kupembiáꞌ bona Nuwátiꞌheꞌ taunáMu.