Datu to napileꞌi Pueꞌ Ala
2
Moapa riꞌi haneꞌi tina-tina i duniáꞌ mabukoꞌ,hai mopaꞌaraheꞌ liwo to mbero-mbero?
2 Datu-datu i duniáꞌ hai tauna to makuasaꞌ himpuduheꞌ
moewaꞌ PUEꞌ hai tauna to Napileꞌi mewaliꞌ datu,
3 rauliꞌ, “Maikeꞌ mengkábáhá hangko i kuasaꞌna
Pueꞌ Ala hai datu to Napileꞌi.a
Ineeꞌmokeꞌ mengkoruꞌ.”
4 Pueꞌ to mepárentá hangko i surugáꞌ matawa
hai mampopohalaꞌ-halaꞌheꞌ.
5 Mewaliꞌ ánti kamabukoꞌNa, Pueꞌ Ala mokámbáróáheꞌ,
hai i lalu kamabukoꞌNa woꞌo, Ia mampopalááꞌheꞌ,
6 Nauliꞌ, “Kódóꞌ miꞌi to mopileꞌi hai moángkáꞌ tauna
mewaliꞌ datumi i buluꞌ Sio, buluꞌ to magasaꞌ.”b
7 Nauliꞌ datu, “Ina kupahaweꞌ
apa to napakanótó miꞌi PUEꞌ.
Nauliꞌ PUEꞌ i kódóꞌ,
‘Io miꞌi ánáꞌKuꞌ. Alo deꞌe Kupoánáꞌkoꞌ.c
8 Nupembiáꞌ i Kódóꞌ,
bona Kuweꞌikoꞌ upu-upu tina i duniáꞌ mewaliꞌ sosoramu,
hai humalele duniáꞌ ina nupopueꞌ.
9 Ina nunangiheꞌ hai kuasaꞌmu
to peisá rapándiriꞌ nodo laiꞌ besiꞌ,
hai ina nuropuꞌheꞌ
nodokoꞌ morupuꞌ kori tampoꞌ.’ ”
10 Ee datu-datu! Bábehiámi hangaa-ngaa bukeꞌ timbá.
Kómu to makuasaꞌ! Maingáꞌ-ingáꞌkou!
11 Menómbámokou i PUEꞌ hai mebiláꞌ i Hia.
Mengkoruꞌkou i Hiad hangko i lalumi ntepuꞌu
12 bona Ia tiꞌara mabukoꞌ
hai tiꞌarakou ina Napatuna i polumaoána katueꞌmi,
láwiꞌ Ia kawiáꞌ ntepuꞌu mabukoꞌ.
Morasiꞌ miꞌi tauna to mengkatueꞌ i PUEꞌ.