<<    <     Sura Petóiá     1     >    >> 
SURA PETÓIÁ
SURA KA-I
SURA PETÓIÁ 1–41
Rárá tauna to manótó hai rárá tauna to kadake bábehiána
1
Morasiꞌ ntepuꞌu tauna
to tiꞌara mampeuláꞌi paturoꞌna tauna to kadake,
to tiꞌara mampeuláꞌi bábehiána tauna to madósá,
hai tiꞌara mamporángá oaꞌ tauna to paka mesasalaꞌi,a
2 agáiáná to naundeꞌ ia miꞌi mampeuláꞌi Paturoꞌna PUEꞌ,
hai napailalu, maroꞌa mabaa ba káindi.
3 Apa peá to nabábehi,
bateꞌna ina naporasiꞌi.
Ia nodo hampóꞌá kau to tueꞌ i wiwi uwai,
to mowuaꞌ i tempóna mowuaꞌ,
hai taweꞌna tiꞌara malau.
 
4 Agáiáná tauna to kadake tiꞌara noꞌonoꞌ.
Hira nodoheꞌ kungku to tekámburá nawui.
5 Onoꞌ miꞌi haneꞌi tauna to kadake
ina nahukuheꞌ Pueꞌ mouláꞌ pobutusiNa.
Noꞌonoꞌ woꞌo tauna to madósá iti
ina tegááki hangko i tauna to manótó,
6 láwiꞌ PUEꞌ mokámpái katueꞌraꞌ tauna to manótó bábehiáraꞌ
agáiáná tauna to kadake ina rapatuna.