Kamahilena kuasaꞌna Datu Ahasiwero hai Modekai
10
Datu Ahasiwero mopaꞌara poróróꞌ ásele i humalele kadatuána.
Tiꞌara peá tauna to toroꞌheꞌ i wiwi tahiꞌ to kana,
agáiáná tauna to toroꞌheꞌ woꞌo karaoꞌ hangko i tahiꞌ.
2 Katongawaꞌána upu-upu to nabábehi,
hai noumbá pewaliꞌna poángkáꞌna Modekai mewaliꞌ topobágóꞌ to mapángkáꞌ ntepuꞌu lántiꞌna i kadatuá,
upu-upuna iti teukiꞌ i lalu sura daritakáná datu-daturaꞌ toPeresia hai toMedia.
3 Modekai toIahudiꞌ iti,
ia miꞌi to mapángkáꞌ ntepuꞌu lántiꞌna i kadatuána Ahasiwero,
hai ia to mewaliꞌ biti mágáuꞌ.
Ia rabiláꞌ ntepuꞌu tauna hai raundeꞌ ntepuꞌu hangka toIahudiꞌna to handaꞌ,
láwiꞌ ia mobágóꞌ oaꞌ bona maroꞌa katueꞌraꞌ hangka toIahudiꞌna duuꞌna haweꞌ i pemuleꞌáraꞌ.