Podándi tiꞌarapoheꞌ ina mombetatakaꞌ i pohamboko hai tauna to tiꞌara toSáráeliꞌ
10
Tangaꞌna Esra teriaꞌ mekakae mopangákuꞌ dósáraꞌ toIahudiꞌ, hai mopálumbá i lindoꞌ támbina Pueꞌ Ala, handaꞌ ntepuꞌu toSáráeliꞌ hirámpu, maroꞌa tobaleilo, maroꞌa towawine hai ánángkóiꞌ. Motolelingiheꞌ Esra hai teriaꞌheꞌ rapasimbuku. 2 Hangko ionoꞌ, Sekania ánáꞌna Iehie hadua pemuleꞌána Ela molaluita i Esra, nauliꞌ, “Madósámongkaiꞌ i Pueꞌ Ala, láwiꞌ mampotoinaꞌangkaiꞌ towawine hangko i oloꞌraꞌ tauna to toroꞌ i tampoꞌ deꞌe to tiꞌara toSáráeliꞌ. Agáiáná kehapiꞌ noꞌonoꞌ, ara mani pehárungá i kaiꞌ toSáráeliꞌ. 3 Maikeꞌ modándi i Pueꞌ Ala kaꞌina mowurantaꞌ upu-upu towawine iti hingkakani hai ánáꞌraꞌ. Ina kipeuláꞌi upu-upu paturoꞌmu hai paturoꞌraꞌ tauna ntániꞌna to mobiláꞌ párentána Pueꞌ Ala to tapenómbái. Ina mampeuláꞌiangkaiꞌ áturána Pueꞌ Ala. 4 Mewaliꞌ mearómokoꞌ. Io miꞌi to mopakanótó apa to hangaa-ngaa mewaliꞌ. Ina kidureikoꞌ. Nupakaróhó lalumu. Nupohaweꞌ miꞌi apa to hangaa-ngaa kibábehi.”5 Mewaliꞌ mearó miꞌi Esra, mohuoꞌ bona kapalaꞌ-kapalaꞌ tadulako menómbá, toLewi, hai toSáráeliꞌ to ntániꞌna modándi ina mampopolumaoheꞌ pembiáꞌna Sekania iti. 6 Karooraꞌ modándi, pohuꞌ miꞌi Esra hangko i lindoꞌna támbina Pueꞌ Ala, mesuaꞌ i lalu lintuꞌna Iohana ánáꞌna Eliasiꞌ hai hambengi ionoꞌ. Ia tiꞌara mau mandeꞌ ba mainu láwiꞌ wiora laluna mampekiri katiꞌáráraꞌ tetidaꞌ tauna to mesuleꞌ hangko i karatawaniáraꞌ iti.
7 Hangko ionoꞌ, rabámbári hambuaꞌ pampopaisá i humalele tampoꞌ Iudá hai i kótá Ierusale, bona upu-upu tauna to mesuleꞌ miꞌi hangko i karatawaniáraꞌ hangaa-ngaa hirámpuheꞌ i Ierusale. 8 Heáná peá to tiꞌara haweꞌ i lalu tálu alona, upu-upu párewána ina raꞌala hai tauna iti tiꞌara piꞌi rarekeꞌ toSáráeliꞌ. Pampopaisá iti ratandaꞌ tae upu-upu tadulako hai totosaeraꞌ toSáráeliꞌ.
9 I lalu tálu alona, upu-upu tobaleilo to toroꞌ i tampoꞌ Iudá hai i tampoꞌraꞌ to Benami, haweꞌheꞌ i Ierusale. Imbaꞌna karompuloꞌ wulá kahahioꞌ,a hirámpuheꞌ i tangabaa támbina Pueꞌ Ala. Upu-upuheꞌ moridiꞌ ánti kamatimina kara-kara iti, hai ánti pelengiꞌna láwiꞌ rumihi udána tempó onoꞌ.
10 Esra tadulako menómbá iti meángkáꞌ haneꞌi mopahaweꞌ laluitana i hira, nauliꞌ, “Madósámokou hai motámbáikou kamasalaꞌraꞌ toSáráeliꞌ, láwiꞌ mampotoinakou towawine to tiꞌara toSáráeliꞌ. 11 Mewaliꞌ deꞌe-deꞌe, hangaa-ngaa nipangákuꞌ dósámi i PUEꞌ, Pueꞌ Ala to rapenómbái toioruntaꞌ, hai nibábehi apa to mopagóeꞌ laluNa. Nikaraohiheꞌ tauna ntaniꞌ to toroꞌ i tampoꞌtaꞌ deꞌe, hai niwuraheꞌ toinámi to tiꞌara toSáráeliꞌ.”
12 Upu-upuheꞌ mehániꞌ rapasimbuku, rauliꞌ, “Ina mampeuláꞌiangkaiꞌ párentámu.” 13 Molaluita wopaheꞌ, hai ara to manguliꞌ, “Agáiáná handaꞌ ntepuꞌuangkaiꞌ ieneꞌ, hai deꞌe-deꞌe udá rumihi. Tiꞌara kitaha meángkáꞌ i rawa. Pelumbuꞌna mani, kara-kara deꞌe tiꞌara peisá roo raurusi i lalu hangalo rongalo, láwiꞌ handaꞌ ntepuꞌuangkaiꞌ to madósá. 14 Mewaliꞌ kipembiáꞌ bona nipaliuheꞌ tadulakongkiꞌ mourusi kara-kara deꞌe. Hangko ionoꞌ, tauna hangko i kótángkiꞌ to mampotoina tohandarena, hangaa-ngaa maiheꞌ i Ierusale i tempó to rapakanótó hingkani-ngkani hai totosae hai topebutusi i kótána hadua-hadua. Hangaa-ngaa kibábehi noꞌonoꞌ haweꞌ tempóna Pueꞌ Ala tiꞌara piꞌi ina mabukoꞌ ntepuꞌu i kaiꞌ ánti dósángkiꞌ iti.”
15 Tiꞌara haweꞌ hadua tauna to mokabarata i poliwo iti, ngkáliꞌna Ionata ánáꞌna Asaeliꞌ hai Iaseia ánáꞌna Tikawa to tiꞌara mampokana. Mesulama hai Sabetai, rodua toLewi, meuláꞌheꞌ woꞌo i hira.
16 Upu-upu tauna to mesuleꞌ miꞌi hangko i karatawaniáraꞌ, bateꞌraꞌ mampopolumao poliwo iti. Esra tadulako menómbá mopileꞌi bahangapa tauna i oloꞌraꞌ kapalaꞌ tina-tina hai moukiꞌ hangaꞌraꞌ. Imbaꞌna kaꞌisáꞌ wulá kahampuloꞌ,b mantepuꞌuheꞌ mohoda-hoda kara-kara iti. 17 I lalu tálu wulána, mopawaliheꞌ popáresáꞌ i upu-upu tobaleilo to mampotoina to tiꞌara toIahudiꞌ.
Tauna to mampotoina to tiꞌara toIahudiꞌ
18 Deꞌemoheꞌ hangaꞌ-hangaꞌraꞌ pemuleꞌánaheꞌ tadulako menómbá to mampotoina to tiꞌara toIahudiꞌ:
I oloꞌraꞌ pemuleꞌánaheꞌ Iesua ánáꞌna Iosada hai halalunaheꞌ:
Maaseia, Eliese, Iari hai Gedalia. 19 Modándiheꞌ upu-upu ina mampogááka toináraꞌ, hai mohuhuꞌheꞌ hambaꞌa dimbá laki mewaliꞌ popenómbá poámpungi dósáraꞌ.
20 I oloꞌraꞌ pemuleꞌánaheꞌ Imere:
Hanani hai Sebadia.
21 I oloꞌraꞌ pemuleꞌánaheꞌ Harimi:
Maaseia, Eliá, Semaia, Iehie hai Usia.
22 I oloꞌraꞌ pemuleꞌánaheꞌ Pasihuri:
Elioenai, Maaseia, Sumaila, Natanaeli, Iosaba hai Elasa.
23 I oloꞌraꞌ toLewi:
Iosaba, Simei, Kelaia, (to rauliꞌ woꞌo Kelita), Petahia, Iudá hai Eliese.
24 I oloꞌraꞌ toponani:
Eliasiꞌ.
I oloꞌraꞌ topokámpái babaꞌá támbina Pueꞌ Ala:
Salumu, Telema hai Uri.
25 I oloꞌraꞌ toSáráeliꞌ to ntániꞌna:
I oloꞌraꞌ pemuleꞌánaheꞌ Parosi:
Ramie, Iesie, Malakia, Miamini, Eleasa, Malakia to ntániꞌna, hai Benaia.
26 I oloꞌraꞌ pemuleꞌánaheꞌ Ela:
Matania, Sakaria, Iehie, Abadi, Ieremoꞌ hai Eliá.
27 I oloꞌraꞌ pemuleꞌánaheꞌ Satu:
Elioenai, Eliasiꞌ, Matania, Ieremoꞌ, Sábá hai Asisa.
28 I oloꞌraꞌ pemuleꞌánaheꞌ Bebai:
Iohana, Hanania, Sabai hai Atilai.
29 I oloꞌraꞌ pemuleꞌánaheꞌ Bani:
Mesulama, Maluku, Adaia, Iasubi, Seala hai Ieremoꞌ.
30 I oloꞌraꞌ pemuleꞌánaheꞌ Paha-Moabiꞌ:
Adana, Kalale, Benaia, Maaseia, Matania,
Besalee, Binui hai Manasie.
31 I oloꞌraꞌ pemuleꞌánaheꞌ Harimi:
33 I oloꞌraꞌ pemuleꞌánaheꞌ Hasumu:
Matanai, Matata, Sábá, Elipele, Ieremai, Manase hai Simei.
34 I oloꞌraꞌ pemuleꞌánaheꞌ Bani:
Madai, Amarama, Uele, 35 Benaia, Bedaia, Kelahu, 36 Wania, Meremoꞌ, Eliasiꞌ, 37 Matanai, Matenai hai Iasai.
38 I oloꞌraꞌ pemuleꞌánaheꞌ Binui:
Simei, 39 Selemia, Nata, Adaia, 40 Makanadabai, Sasai, Sarai, 41 Asarele, Selemia, Semaria, 42 Salumu, Amaria hai Iusupu.
43 I oloꞌraꞌ pemuleꞌánaheꞌ Nebo:
Iele, Matika, Sábá, Sebina, Iadai, Ioeli hai Benaia.
44 Upu-upuraꞌ mampotoinamohe to tiꞌara toIahudiꞌ. Mewaliꞌ upu-upu towawineraꞌ iti rapogááka, hai rawuraheꞌ hingkakani hai ánáꞌraꞌ.