Datu-datu to nanangi Musa
12
Hangko tiꞌara mani Iosuá hai toSáráeliꞌ mesuaꞌ i tampoꞌ Kánáꞌá, Musa motadulakoiheꞌ monangi rodua datu tándáꞌ i mata alo uwai Iarade. Tampoꞌ to raperampaꞌi toSáráeliꞌ tempó onoꞌ mantepuꞌu i uwai Arano tándáꞌ i wóiꞌ haweꞌ-haweꞌ i buluꞌ Heremo tándáꞌ i wongko, tepasuaꞌ humalele lembo Iarade tándáꞌ i pembetoá alo. 2 Datu to hadua ia miꞌi Siho datu i kótá Hesibo,a hai ia mopárentáiheꞌ toAmori mantepuꞌu hangko i kótá Aróe i wiwi uwai Arano i tangaꞌ-tangaꞌna, haweꞌ-haweꞌ i wiwi uwai Iabo parailiꞌraꞌ toAmoni. Hanggááꞌ tampoꞌ Gileaꞌ mesuaꞌ woꞌo i kadatuána. 3 Tampoꞌna haweꞌ woꞌo i lembo Iarade tándáꞌ i pembetoá alo,b hangko i wiwi rano Galileac tándáꞌ i wóiꞌ, haweꞌ-haweꞌ i wiwi tahiꞌ Mated tándáꞌ i pembetoá alo, liliu i bátána buluꞌ Pisiga.4 Hadua datu ntániꞌna to ranangi toSáráeliꞌ ia miꞌi Datu Oge to mepárentá i tampoꞌ Basana. Ia mepárentá woꞌo i Asitaroꞌ hai Ederei. Ia hadua topentárá hangko i toRepaimi.f 5 Tampoꞌ to nakuasaꞌi Datu Og iti ia miꞌi buluꞌ Heremo, kótá Salika, hai humalele tampoꞌ Basana, haweꞌ-haweꞌ i tampoꞌraꞌ toGesuri hai toMaꞌaka. Ia mokuasaꞌi woꞌo hanggááꞌ tampoꞌ Gileaꞌ tándáꞌ i wongko haweꞌ-haweꞌ i to nakuasaꞌi Siho datu i kótá Hesibo. 6 Musa hai upu-upu toSáráeliꞌ monangimoheꞌ datu to rodua iti. Musa huoꞌána PUEꞌ mampeweꞌi tampoꞌ iti i toRube, toGati hai hantangaꞌ toManase mewaliꞌ tampoꞌraꞌ.g
Datu-datu to nanangi Iosuá
7 Datu-datu to ranangi Iosuá hai toSáráeliꞌ iamoheꞌ datu i tampoꞌ Kánáꞌá tándáꞌ i katámpuá alo uwai Iarade, mantepuꞌu hangko i kótá Baꞌal-Gati i lembo Libano tándáꞌ i wongko, haweꞌ-haweꞌ i buluꞌ-buluꞌna to maloriꞌ tándáꞌ i wóiꞌ hungkuꞌ i Edo.h Tampoꞌ iti nagáláꞌ-gáláꞌ Iosuá i toSáráeliꞌ mewaliꞌ tampoꞌraꞌ. 8 Tampoꞌ to ragáláꞌ-gáláꞌ iti ia miꞌi tampoꞌ i buluꞌ-buluꞌna, tampoꞌ i biti buluꞌ tándáꞌ i katámpuá alo, lembo Iarade {hai biti buluꞌna}, tampoꞌ i bátá-bátána buluꞌ tándáꞌ i pembetoá alo, hai pádá loriꞌ i tampoꞌ Nege tándáꞌ i wóiꞌ. Tampoꞌ iti ia miꞌi tampoꞌ to rakatoroꞌi miꞌi toHeti, toAmori, toKánáꞌá, toPeresi, toHewi hai toIebusi. 9 Datu to ranangi iamoheꞌ:
datu i kótá Ieriko, datu i kótá Ai hungkuꞌ i Beteli,
10 datu i kótá Ierusale, datu i kótá Hebero,
11 datu i kótá Iarumuꞌ, datu i kótá Lakisi,
12 datu i kótá Egelo, datu i kótá Gese,
13 datu i kótá Debiri, datu i kótá Gederi,
14 datu i kótá Horama, datu i kótá Ara,
15 datu i kótá Libina, datu i kótá Adulá,
16 datu i kótá Makeda, datu i kótá Beteli,
17 datu i kótá Tapua, datu i kótá Heperi,
18 datu i kótá Apeꞌ, datu i kótá Lasaroni,
19 datu i kótá Madoni, datu i kótá Haso,
20 datu i kótá Simoro-Mero, datu i kótá Akasa,
21 datu i kótá Taanaꞌ, datu i kótá Megido,
22 datu i kótá Kedesi, datu i kótá Iokeneami hungkuꞌ i buluꞌ Karame,
23 datu i kótá Doo i buluꞌ-buluꞌna Doo, datu i kótá Goimi i Galilea,
24 hai datu i kótá Tirisa.
Mewaliꞌ kahandaꞌraꞌ datu iti, tálu puloꞌna hai hadua.