Ifagiiriyaawwa Ilaawiiwwa
12
Aan baraah baliin Sarubbaabil Sha'altii'eeli oori geebwa Jeeshiwaay geebwa y'agar ifagiiriyaawwa Ilaawiiwwa ikatiin:
Saraayaawwa,
Yarmiyaawwa,
Israawwa,
2 Amariyaawwa,
Malluukhwa,
Hattuushwa,
3 Shakaanyaawwa,
Rahuumwa,
Mariimootwa,
4 Iddooywa,
Jintooywa,
Abiiyaawwa,
5 Miyaamiinwa,
Ma'adiyaawwa,
Bilgahwa,
6 Shama'iyaawwa,
Yooyaariibwa,
Yada'iyaawwa,
7 Salluuywa,
Aamoogwa,
Hilgiyaawwa,
Yada'iyaawwa,
iiktiin.
Aan baraah Jeeshiwaay udamaaniib ifagiiriyaawwa y'ayaydeeyoohna suurkina iiktiin.
8 Ilaawi aree:
Jeeshiwaawwa,
Binnuuywa,
Gadmi'eelwa,
Sharabiyaawwa,
Yahuudaawwa,
Mattaniyaawwa iiktiin.
Mattaniya been y'ayaydeeyooh geeb hiddaab,
whamaadi miyaawiit kafaati shaga abkaa iifiin.
9 Bagbugiyaawwa Unniiwwa y'ayaydaahwa,
ishagaay door bareeyooh fiireeb ingadna.
10 Jeeshiwa Yooyaagiimi baaba iikti.
Yooyaagiim,
Alyaashiibi baaba iikti.
Alyaashiib,
Yooyaad'aay baaba iikti.
11 Yooyaad'a,
Yoonaataani baaba iikti.
Yoonaataan,
Yadduu'aay baaba iikti.
12 Yooyaagiimiib udamaaniib,
aan baraah ifagiiriyaayi dhiwaay suurkinaaba:
Saraayaay dhiwaayeeb,
Maraaya hooy suurkinaabu.
Yarmiyaay dhiwaayeeb,
Hananiya suurkinaabu.
13 Israay dhiwaayeeb,
Mashullaam suurkinaabu.
Amariyaay dhiwaayeeb,
Yoohaanaan suurkinaabu.
14 Malluukhaay dhiwaayeeb,
Yoonaataan suurkinaabu.
Shabaniyaay dhiwaayeeb,
Yuusif suurkinaabu.
15 Hariimi dhiwaayeeb,
Adnaa suurkinaabu.
Maraayooti dhiwaayeeb,
Halgaay suurkinaabu.
16 Iddooy dhiwaayeeb,
Sakariya suurkinaabu.
Jinnatooni dhiwaayeeb,
Mashullaam suurkinaabu.
17 Abiiyaay dhiwaayeeb,
Sikrii suurkinaabu.
Minyaamiinwa Moo'adiyaaywa dhiwaayeeb,
Falataay suurkinaabu.
18 Biljaay dhiwaayeeb,
Shammuu'a suurkinaabu.
Shama'iyaay dhiwaayeeb,
Yahoonaataan suurkinaabu.
19 Yooyaariibi dhiwaayeeb,
Mattanaay suurkinaabu.
Yad'iyaay dhiwaayeeb,
Ussii suurkinaabu.
20 Salluuy dhiwaayeeb,
Kallaay suurkinaabu.
Aamoogi dhiwaayeeb,
Aabir suurkinaabu.
21 Hilgiyaay dhiwaayeeb,
Hashabiyya suurkinaabu.
Yada'iyaay dhiwaayeeb,
Naatnaa'eel suurkinaabu.
22 Alyaashiibwa,
Yooyaad'aaywa,
Yoohaanaanwa,
Yadduu'aaywa idamaneeb Ilaawi dhiwaay suurkinaawwa,
ifagiiriyaayi dhiwaay suurkinaawwa,
whad'a Daaryoos Ufaarisi damaaniib ismaayaahna kataba.
23 Ilaawi taasiib dhiwaay suurkina,
Yoohaanaan Alyaashiibi ooriib udamaan ookiik,
taariikhi kitaabiib kataba.
24 Ilaawi suurkina aree:
Hashabiyaawwa,
Sharabiyaawwa,
Jeeshiwa Gadmii'eeli oorwa iiktiin.
Y'ayaydaahna aree bareeyooh fiireeb ingadniit Ukwaasana yhamidna.
Malya baraah Daawid Ukwaasanaay uutak sooyaab iiktiyeet tehay'aatiit,
maloot majmuu'a ikeeniit doorka gal tookaf kafiyaan.
25 Mattaniyaawwa,
Bakbukiyaawwa,
Oobadiyaawwa,
Mashullaamwa,
Talmoonwa,
Agguubwa dheefaay gw'aadiigaaba aree baraah imikhsanaayi dheefa igw'adna.
26 Baraah Yooyaagiim Jeeshiwaay oor,
Saaduugi oori damaaniib shagaamiyaan.
Aree Niheemiya whaakimwa,
Israab ufagiiri ukanaaniigaay damaaniiwwa shagaamiyaan.
Alguduseeb Ukirra Itkwakw
27 Alguduseeb ukirra itkwakwihoob,
kasseeh imhiinaneeb ikwiir Ilaawi waliikamiyaaniit,
tifirhaati jillaay Algudus beeti eeyaan.
Aflaay baraah hamaadi miyaawiit kafa kafeetiit,
musiigaat baasankwoobwa,
kamanjaatwa,
gayaasiirwa hawaasiini jillaay waliikamiyaan.
28 Ifannaani ikafiin han Algudusi daraag iifiib whaash,
Inatoofaayeet gariyaatee eeyaaniit immararaayna.
29 Beet Jiljaaleewwa,
Jib'aaywa Asmooteewwa eeyaan.
Ifannaani ikafiin aakna Algudusi daraag gariyaat id'irna.
30 Ifagiiriyaawwa Ilaawiiwwa w'iidii dehaay igarooyeehna atehariinihoob,
baraah oodehaywa idheefaawwa ukirraawwa han atehariyaan.
31 Ani Yahuudaay isuurkina asti ukirraay mooyiib reewsan.
Ani masi maloot firga whamaad iyaw waasan.
Firgaat gaat ukirraay mooyiib umaygwadii dehaay,
W'andhooy Dheefa beeti daata.
32 Hooshaa'iyaawwa Yahuudaay isuurkina itarabwa bareeh iramna.
33 Asariyaawwa,
Israawwa,
Mashullaamwa,
34 Yahuudaawwa,
Binyaamiinwa,
Shama'iyaawwa,
Yarmiyaawwa geeb iifiin.
35 Fagiiriya gali d'aay buug yakisiyaan.
Masi Sakariya Yoonaataani oor,
Shama'iyaay oor,
Mattaniyaay oor,
Miikhaayaay oor,
Sakkuuri oor,
Aasaafi oor,
han geeb iifi.
36 Aree bariiyaah y'ayayda Shama'iyaawwa,
Asar'eelwa,
Miilaalaaywa,
Jilaalaaywa,
Maa'aaywa,
Naatnaa'eelwa,
Yahuudaawwa,
Hanaaniiwwa iiktiin.
Baraah Daawid Ukwaasanaay uutak sooyaab iiktiyeet musiigaatiit aala geeb iifiin.
Isra w'aalim bareeh suuriimi.
37 Baraah Uthawi Dheefaay asti Daawidiit Toomadiina beeti hantaayaan.
Daawidiib oogaw hasamiyaaniit,
yintalawiit toojha iifiib ukirra Iyami Dheefa beeti tikwiyaan.
38 Tufirga tuuraaw bareeyooh suurii tiifi.
Ani aree ukirraay mooyii bareeh amooraam.
Oodehayi tarab han ukirraay kehii iifiin.
Ifirmaayeet Siraaya hasamiyaaniit Ukirra Oowin iktimna.
39 Afraayimi Dheefaay,
Udheefa Ish'iiyyaay,
W'aashooy Dheefaay,
Hananii'eeliit tusraayaatii,
Ooshii Dheefaay,
T'anooti Dheefaay sakiyaaniit,
Ugw'aadiigaay Dheefaay ingadna.
40 Tifirga timalu whamaad yhamidniit malya Ukwaasanaay ugawiib is'ana.
Aflaay ani han isuurkinaayi tarabi geeb as'a.
41 Ifagiiriya han iifiina,
Alyaagiimwa,
Ma'asiyaawwa,
Minyaamiinwa,
Miikhaaywa,
Aliyoo'iinaaywa,
Sakariyaawwa,
Hananiyaawwa,
aree d'aay buuga geeb iifiin.
42 Masi aree Ma'asiyaawwa,
Shama'iyaawwa,
Al'asaarwa,
Ussiiwwa,
Yoohaanaanwa,
Malkiyaawwa,
Eelaamwa,
Aasarwa han iifiin.
Tifirga aree Yasraahiya sooyyeet toojhaatii kafiyaan.
43 Been oomb'i baraah gwidaat karaama mhaliyaan.
Ukwaasana bareeh gwidaat firha hiiyyaabuuyt,
baraah winneet afirhiyaan.
Taam'atwa inisrikaawwa han afirhiyaan.
Tifirhaati hissa Alguduseeb sagi mhiini itmassaawna.
44 Been oodoor aanda oomyaawi mikhsanaawwa,
tisamaraati awwal firaaywa,
titamnaat takweewwa,
abkaa iifiin.
Timadiinaati daraag iifiint tidir'aatee,
Whag sooyaab iiktiyeeb w'adhidh,
ifagiiriyaawwa Ilaawiiwwa iyiwni jillaay baraah imikhsana beeti haay eeyaan.
Ifagiiriyaawwa Ilaawiiwwa ishaga shagaamiinayt,
Yahuudaay uudehay han kassaah afirhiyaan.
45 Baraah Ukwaasanaayoohna shaga shagaamiyaana,
aree tutehaaraati shaga shagaamiyaan.
Ifannanwa udheefaay gw'aadiigaawwa han Daawidwa w'ooruuh Suleemaanwa sooyaab iiktiineet tehay'aatiit id'iin.
46 Sh'iiya door Daawidwa Aasaafiibwa idamaneeb,
ifannan suurkinaab iibriina,
whamaadiit kafa kafiinwa Ukwaasana yhimidwa suurkina iibriin.
47 Shaawti Sarubbaabiliib udamaaniibwa Niheemiyaay udamaaniibwa,
kassaah Y'israa'iili ifannanwa udheefaay gw'aadiigaawwa m'ariit iyiwna.
Malya Ilaawi han beet t'attiyeewiyaab iiktiineet tim'ariitii ifagiiriya naat iyiwna.