10
Baliin ukhatim kehii th'aab iiktiin aree:
Niheemiya Hakaalyaay oor whaakimwa
3 Fashhuurwa,
Amariyaawwa,
Malkiyaawwa,
4 Hattuushwa,
Shabaniyaawwa Malluukhwa
5 Haarimwa,
Mariimootwa,
Oobadiyaawwa,
6 Daan'eelwa,
Jinnatoonwa,
Baaruukhwa,
7 Mashullaamwa,
Abiiyaawwa,
Miyaamiinwa,
8 M'aasiyaawwa,
Biljaaywa,
Shama'iyaawwa iiktiin.
Aan baraah aree fagiiriyaaba.
9 Ilaawi:
Jeeshiwa Asaniyaay oorwa,
Binnuuy Hinaadaadi dhiwaayee iiktiibwa,
Gadmi'eelwa,
10 bareeyooh ayayda iiktiin aree:
Shabaniyaawwa,
Huudiyaawwa,
Galiitaawwa,
Falaayaawwa,
Haanaanwa,
11 Miikaawwa,
Rahuubwa,
Hashabiyaawwa,
12 Sakkuurwa,
Sharabiyaawwa,
Shabaniyaawwa,
13 Huudiyaawwa,
Baaniiwwa,
Baaniinoowwa iiktiin.
14 Oodehayi suurkina aree:
Far'ooshwa,
Fahat Moo'aabwa,
Eelaamwa,
Saattuuwwa,
Baaniiwwa,
15 Bunniiwwa,
Asgadwa,
Beebaaywa,
16 Adooniyaawwa,
Bigwaaywa,
Aadiinwa,
17 Aatiirwa,
Hasagiyaawwa,
Assuurwa,
18 Huudiyaawwa,
Hashuumwa,
Beesaaywa,
19 Haariifwa,
Anaatootwa,
Neebaaywa,
20 Maagfiiy'aashwa,
Mashullaamwa,
Hasiirwa,
21 Mashiisaab'iilwa,
Saaduugwa,
Yadduu'aawwa,
22 Falatiyaawwa,
Haanaanwa,
Anaayaawwa,
23 Hoosh'aawwa,
Hananiyaawwa,
Hashuubwa,
24 Haluuhishwa,
Filhaawwa,
Shoobeekwa,
25 Rahuumwa,
Hashabnaawwa,
Ma'asiyaawwa,
26 Akhiiyyaawwa,
Haanaanwa,
Aanaanwa,
27 Malluukhwa,
Haarimwa,
Ba'anaawwa iiktiin.
28 Uudehay uuraaw:
ifagiiriyaawwa,
Ilaawiiwwa,
udheefaay gw'aadiigaawwa,
ifannaaniiwwa,
udiini gawi shagaamanaawwa,
kassaah baliin Ukwaasanaay Whaggi jillaay oodehay ishawaw irawee,
igarooyeehna waasiyaana,
hiddaab tim'ateeyoohna geebwa,
kasseeh y'areehwa,
kasteeh t'arteehwa w'afhamti adgiriinnaayi geebwa,
29 aan baraah kassaah oont'a isanaayeehna isuurkinaayi geeb imshawwaayniit,
Ukwaasanaay ukishiya Muusaab attiyeewiyaab Whag eetriimneet toona halafooyaan.
Whag baaraamka atoo'itaabu idiin.
W'ankwanaayt tiwasi kasteehwa,
whukwimwa,
igaanuunwa daayiib isnaakiirneet toona halafooyaan.
30 Baraah <<Oodehay ishawween t'arteen nisid'ir kindi,
tari t'arteehna y'areen nisid'ir kindi.
Beet toona hinin waadiyaayaaba.
31 Uudehay ishawwaan toosab idalibneena tari harroob haay y'eenihoob,
hinin bareesooh toosab tari mugaddast yint weet han hooy dilba niyaay kindi.
Whawil w'asaramaaka tidir'a n'aad kindi,
aree oodeen kassooh afooni niyad.
32 Hinin hawilka ay giram ashteetiib fir'atiit,
Ukwaasanaayoon ugawiit khidmaatiib nikwees.
33 Oodiini gaw aree teen teena dehaay nifar'a:
mugaddas hadhiiwwa,
harrooyt karaamaawwa,
atoolwaat karaamaawwa nifar'a.
Sabtiit karaamaawwa,
Gayi Tirgi Iidaayi dehaaywa,
wari iidaayi dehaaywa,
tikaraama timugaddasa teerwwa,
Y'israa'iili afoomeeni jillaay idanuubeet karaamaawwa,
Ukwaasanaay uugaw harriiweet teena kasteehwa nifar'a.
34 Hinin ifagiiriya Ilaawiiwwa,
uudehaywa,
hawilka gur'aat neegid.
Malya W'ankwana Ukwaasanaayoon dehaay tikaraama itooliiwni jillaay,
keeya dhiwa yhindi haay y'eeneeb nisookiin.
Beet tuun aree Whaggiib kataabti.
35 Hinin masi wharrooy awwal firaayiiwwa,
kasseeh tisamaraati hindiyi awwal firaayiiwwa,
W'ankwanaay ugawii dehaay haay eenayeet tuuna waajibtoon nikwasi.
36 Tuun tuuna Whaggiib kataabtu:
hinin y'areen isuurkinaawwa,
w'awwal firaay irabaab ish'aayeesoonwa,
tiyaateesoonwa,
t'anooteesoonwa Ukwaasanaayoon ugawii dehaay haay y'eetiit ifagiiriya ishagaameen niyaw.
37 Masi aree,
Ukwaasanaayoon ugawi mikhsanaayee dehaaywa,
ifagiiriyaayee dehaaywa karaamaat haay eenay.
Wharrooyiisoon w'awwal ajiinwa,
kasseeh tisamaraati hindiyi awwal firaayiiwwa,
wha ugayiinaay t'awwaliinaaytiiwwa isaliitiiwwa karaamaat han haay eenay.
Aree wharrooyiisoon titamnaat takwi Ilaawi niyaw.
Ilaawi aree kasteeh hinin hooy shagaamnayeet timadiinaateeb titamnaat takwi lakkati iyadna.
38 Ilaawi titamnaat takwi lakkateenihoob,
Haarooniib ootaasii fagiiri gaal bareeh iitram indi.
Ilaawi aree titamnaat takwi Ukwaasanaayoon oogaw beeti haay y'eetiit,
oomraayi mikhsaniib daasi iyadna.
39 Israa'iileeb uudehay Ilaawi hooy haayee,
wharrooy miyaawwa,
gayi haabwa saliitwa baliin igadh'i imugaddasa hooy daasamaab ikatiineeb imikhsana beeti haay y'eeneet toonaati.
Ifagiiriya Ukwaasanaay oogaw shagaameenwa,
udheefaay gw'aadiigaawwa,
ifannaaniiwwa hooy ikweerneeb oomhiin daaseen.
Hinin Ukwaasanaayoon oogaw gadti kind'i.>>
idiin.