Ugalad Akkadamiya
24
01 Malya W'ankwana Muusaay dehaay,
<<Baruukwa Haaruunwa,
Naadaabwa Abiihoowwa,
Israa'iileeb isuurkinaayee asarama tamuunwa aneeb beeti asti reewaana.
Baraak sigiitiit asjidteena.
02 Laakiin Muusa oodꞌooh Wꞌankwana danwiil,
aaraw ibakii kiidiwilna.
Uudehay aree bariiyooh geeb asti biireewayna.>>
idi.
03 Muusa oodehay ibaayt kasseeh W'ankwanaay ibhaliiwwa whagwa bareeh sooya.
Uudehay gaal hissii,
<<Wꞌankwana sooyaneeb ibhali kasseeh niiwari niyad.>>
idiin.
04 Aflaay Muusa Wꞌankwana sooyaneet toona kastooh iktib.
Tooyin tooraaw karuumaab Muusa yakiyaayt oorbaay haafiib karaamaat firꞌati mhiin idꞌir.
Tamna malu aamuud gasiya.
Israaꞌiiliit tigabiila titamna malu gaatka aamuud dehaay idꞌi.
05 Malya Israaꞌiili areereewa galib diigwatiya.
Baraah atoolwaat karaama karramamiyaana,
umꞌasgiit karaamaati laga W'ankwnaay dehaay yhaaridna.
06 Muusa oon ureewi booyi tarab tashaayeeb ifif.
Itarab eeraw tikaraamaati mhiini kehii safiya.
07 Malya Ugaladi kitaab yakisiyaayt,
oodehayii dehaay agriiya.
Baraah igwibiina,
<<Wꞌankwana sooyaneet toona kastooh niiwari niyad,
nisniikar niyad.>>
idiin.
08 Muusa malya oobooy iyhaayt,
oodehayi kehii safiya,
aree <<Uun baruuh ugaladi booy Wꞌankwana geebookna idꞌiyeebu,
ugaladiib een ibhali kasseeh waseeyiini hookna.>>
idi.
09 Muusaawwa Haaruunwa,
Naadaabwa Abiihoowwa,
Israaꞌiileeb isuurkina y'asarama tamuunwa asti reewiyaan.
10 Baraah Israaꞌiileeb Ukwaasana rhiyaan.
Barooh iragadaayi whii Yaaguuti jawhar tꞌiiteena dabaaltu,
tibreeteet aree nhasti.
11 Laakiin Ukwaasana een Yꞌisraaꞌiili suurkina kwidhsaab kiiki.
Baraah Ukwaasana rhiyaana,
tamiyaana aree gwꞌiyaan.
12 Wꞌankwana Muusaay dehaay,
<<Aneeb beeti asti oorba reewaat beentooy hagita.
Y'aweeyi lha iyaaw hook andi.
Whagwa tiwaseewwa een ilhaayeeb aktib.
Aflaay baruuk oodehay allami tindiya.>>
idi.
13 Malya Muusaawwa ushamaamiigaayuuh Jooshiwaabwa imarna.
Malya Muusa Ukwaasanaay oorba reewiya.
14 Baruuh isuurkinaayee dehaay,
<<Hinin nitꞌagiireeb ookiik baraakna tooy hagitna hoon.
Haaruunwa Huurwa geebookna eefeena,
halaagaayt ibariibka aree bareeh haay beena.>>
idi.
15 Muusa oorba reewiyanihoob,
uurba bꞌaluukii assamiya.
16 Wꞌankwanaay umatuun aree oorba Siinaayi kehii daaya.
Ibꞌaluuk asagwir bꞌi oorba assiya.
Oombꞌi wꞌasarama aree Wꞌankwana ibꞌaluukiit tehooytee Muusaab waliikiya.
17 Yꞌisraaꞌiilaayee dehaay Wꞌankwanaay umatuun oorbaay mooyiib toonꞌi tutamtiniit tꞌiiteeb iki.
18 Malya Muusa asti oorba reewiyaayt ibꞌaluukiib shuumiya.
Oorbaay kehii aree fadhig tamuun bꞌeewwa fadhig tamuun hawadwa yhagit.