Esaaw haa Laqwaloo dosi
36
1 Hiĩ na catimisu gu laqwaloo da Esaaw, hiĩ uma gosi slime daa eteediidine na Edoomu. 2 Esaaw yaa khabiibimi tigay gu Kanaani. Hadee dosi da cadii naa Aada, hotu Elooni, hiĩ gwaa Hiitimoo. Hadee dosi waka na Oholibaama, hotu Aana, amaamaa da Sibi⁄ooni, hiĩ gwaa Hiifimoo. 3 Hadee waka na Basemaati, hotu Isumaeeli, kara ti hhioo da Nebayooti. 4 Aada yaay daadi naw sa Esaaw, uma gosi na Elifaasi. Basemaati see yaay daadi naw sa Esaaw, uma gosi na Reyueeli. 5 Oholibaama yaa laqwalidi yaꞌay gu hhawatee sa Esaaw, umaiĩ koina niĩ, Yeyuusi, Yalaamu haa Koora. Hhakee na yaꞌay gu Esaaw giyaa laqwali hhapee da Kanaanige.6 Da hheꞌesi Esaaw hirigi waaudi tigay kosi, yaꞌay kosi gu hhawatee haa gu tigay, hida sliimaa gu aya gosi, kuꞌunaanay gosi haa khooslay goõ giyaa slay hhapee da Kanaanige, gi looy hhapee wakay segenge haa daqa daa ilii ibimaamidiye Yakoobo hhia gosi gu coko⁄u. 7 Ina yaati teesaaqay laqi, sa gimba cada koinaa yaa konay kuꞌunaanay wa⁄a. Inay yaay dahhasiriiba ibinaa daqa lenge, maꞌaana daqa da deꞌeẽ yaa buꞌutiiba ⁄agimisu kuꞌunaanay wa⁄a. 8 Inkoo, Esaaw (slime na Edoomu), gi ibinaa kay hhapee da Seyiirige, daa kooma omeeri.
9 Hiĩ na catimisu gu laqwaloo da Esaaw, taataa gu hida gu Edoomu, gwaa ibimaamidee hhapee da Seyiirige, daa kooma omeeri.
10-13 Teesaaqay, Aada hadee da Esaaw yaay daadi Elifaasi. Elifaasi slime yaa laqwali yaꞌay kooani gu hhawatee, umaiĩ koina niĩ, Temaani, Omaari, Seefo, Gataamu haa Kenaasi. Kara Elifaasi yaa kona hadee da afayi, uma gosi naa Timunaa, ina yaay daadi naw sa Elifaasi, uma gosi na Amaleeki.
Basemaati hadee dosi waka, yaay daadi naw sa Esaaw, uma gosi na Reyueeli. Reyueeli slime yaa laqwali yaꞌay cigahha gu hhawatee, umaiĩ koina niĩ, Nahaati, Seera, Saama haa Miisa, hhaã na okookoiĩ gu Basemaati. Hhaã na okookoiĩ gu Aada.
14 Oholibaama hadee waka da Esaaw, yaa sagameeriya da Aana, amaamaa da Sibi⁄ooni, yaa laqwalidi yaꞌay tami gu hhawatee sa Esaaw, umaiĩ koina niĩ, Yeyuusi, Yalaamu haa Koora.
15 Hhaã na hida gu deni gu laqwaloo da Esaawgo. Tla⁄aã gooinaa, Elifaasi nanku badiisu gu Esaaw, yaa laqwali afamaraa gu Temaani, Omaari, Seefo, Kenaasi, 16 Koora, Gataamu haa Amaleeki. Hhaã na hida gu deni gu afamaraa gu laqwaloo da Elifaasi hhapee da Edoomuge, kara inay yaati okookoiĩ gu Esaaw haa Aada hadee dosi.
17 Reyueeli, naw waku gu Esaaw, yaa laqwali afamaraa gu Nahaati, Seera, Saama haa Miisa. Hhapee da Edoomuge hhaã na afamaraa gu laqwaloo da Reyueeli, slime inay yaa okookoiĩ gu Esaaw haa Basemaati hadee dosi.
18 Oholibaama hadee waka da Esaaw, haã daa sagameeriya da Aana, ina yaa laqwalidi afamaraa gu Yeyuusi, Yalaamu haa Koora.
19 Afamaraaee hhanki sliimaa digiraa amoo da Esaaw laqwali (hiĩ slime na Edoomu).
Laqwaloo da Seyiiri hhapee da Edoomuge
20-21 Haã na laqwaloo da Seyiiri, Muhoori haa yaꞌay kosi, gwaa looee da hhapee da Edoomu. Seyiiri yaa laqwali afamaraa gu
Lotaani, Sobaali, Sibi⁄ooni, Aana, Disooni, Eseeri haa Disaani.
Hhakee na hida gu deni gwaa tla⁄aã gu afamaraa gu Seyiiri, Muhoori dahha.
22 Lotaani, naw gu Seyiiri, yaa laqwali yaꞌay gu hhawatee,
umaiĩ koina niĩ, Hoori haa Hemaamu,
kara Lotaani yaa kona hhioo, uma gosi naa Timunaa.
23 Sobaali yaa laqwali yaꞌay gu hhawatee,
umaiĩ koina niĩ, Alifaani, Manahaati, Ebaali, Seefo haa Onaamu.
24 Sibi⁄ooni yaa laqwali yaꞌay gu hhawatee,
umaiĩ koina niĩ, Aaya haa Aana. Aana danaa pandaa arimaa gu hhaahhiya, daa kooma maꞌay gu hamu kongoqomeege, daqa giyaa ilii deꞌeeꞌente daqwaai gu taataa gosi Sibi⁄ooni.
25 Aana yaay daadi naw,
uma gosi na Disaani, kara yaay daadi hotu, uma gosi na Oholibaama.
26 Disooni yaa laqwalidi yaꞌay gu hhawatee,
umaiĩ koina niĩ, Hemudaani, Esibaani, Itiraani haa Keraani.
27 Eseeri yaa laqwalidi yaꞌay gu hhawatee,
umaiĩ koina niĩ, Bilihhaani, Sawaani haa Akaani.
28 Disaani yaa laqwali yaꞌay gu hhawatee,
umaiĩ koina niĩ, Uusi haa Araani.
29-30 Hhaã naa hida gu deni gu afamaraa gu Hoori hhapee da Edoomuge,
umaiĩ koina naa, Lotaani, Sobaali, Sibi⁄ooni, Aana, Disooni, Eseeri haa Disaani.
Watemi da hhapee da Edoomu
31 Hhaã naa watemi gwaa tawaalimee hida gu Edoomu, qatlay hida gu Israeeli digaa ilii kahhiye tawaaliru ha mutemi.
32 Beela, nanku Beyoori yaa tawaalimi hhapee da Edoomu, yaamu gu Dinihaabago.
33 Beela giyaa ilii hhami, Yobaabu nanku Seera yadaa yaamu gu Bosirago, yaay oy tawaaloo.
34 Yobaabu giyaa ilii hhami, Husaamu gu hhapee da Watemaani, yaay oy tawaaloo.
35 Husaamu giyaa ilii hhami, Hadaadi nanku Bedaadi gii oy tawaaloo, gi tawaalimi yadaa yaamu gu Afiitigo. Hikee naa qwaatli haa gi kaba⁄i Midiyaani hhapee da Moaabuge.
36 Hadaadi giyaa ilii hhami, Samulaa yadaa yaamu gu Masireekago, yaay oy tawaaloo.
37 Samulaa giyaa ilii hhami, Sawlo yaay oy tawaaloo. Ina yaa yeda dahhi yaamu gu Rehhobooti, gwaa ciyoomooge waaree haa duduu gu Efuraati.
38 Sawlo giyaa ilii hhami, Baali-Hanaani nanku Akiboori, yaay oy tawaaloo.
39 Baali-Hanaani giyaa ilii hhami, Hadaari yaay oy tawaaloo, gi tawaalimi yadaa yaamu gu Paawgo. Hadee dosi Hadaari, uma gosi na Mehetabeeli, sagameeriya da Matireedi, amaamaa da Mesahaabu.
40-43 Hhaã na umaiĩ gu hida gu deni gu afamaraaee gwaa daqa Esaaw dahhee, niĩ,
Timunaa, Aliifa, Yetiiti, Oholibaama, Eela, Pinooni, Kenaasi, Temaani, Mibisaari, Magadieeli haa Iraamu. Afamaraaee hhanki gwaa daqa da hida hhanki gu deni dahha haa daqa giyaa ilii ibimaamidiyee teꞌesii, dagaraati ay, umaiĩ gu hida hhakee gu deni gu wakaꞌalee.
Esaaw naa taataa gu hida gu Edoomu.