Nuuhu haa laqwaloo dosi (daa hhapapu tleehhiti)
10
1 Hiĩ na catimisu gu laqwaloo da Seemu, Haamu haa Yafeeti yaꞌay gu hhawatee gu Nuuhu. Qatlay daa ilii kereꞌedi tlubay gu ilawa⁄iya, inay see gi ilakoniri slaslaw yaꞌay.Yafeeti haa laqwaloo dosi
2 Yaꞌay gu hhawatee gu Yafeeti niĩ
Gomeeri, Magoogu, Madaay, Yafaani, Tubaali, Meseeki haa Tiraasi.
3 Yaꞌay gu hhawatee gu Gomeeri niĩ
Asikenaasi, Rifaati haa Togaama.
4 Yaꞌay gu hhawatee gu Yafaani niĩ
Elisaa, Tarisiisi haa hida doó eteedine hari uma gu Kitiimu haa gu Dodaani. 5 Haã na tlaatleesoo da kabiraa da hida gwaa pasidee hhapapu gu kenga gu tlawa da didirige waaree, motoliya sliimaa haa gimba gooina hhapapu koinay.
Haamu haa laqwaloo dosi
6 Yaꞌay gu hhawatee gu Haamu niĩ
Kuusi, Misiri, Puuti haa Kanaani.
7 Yaꞌay gu hhawatee gu Kuusi niĩ
Sebaa, Hafiila, Sabiita, Raama haa Sebiteeka.
Yaꞌay gu hhawatee gu Raama niĩ
Seeba haa Dedaani.
8 Kuusi yaa taataa gu Nimuroodi, hikee yaati ⁄atlimiisay gu pandaa gwaa kooma ⁄uuru gu didiri khoorooge. 9 Kara Nimuroodi yaa slagaadusay gwaa khamaslu pandaa da Taataa Iliitleemuge. Hida saganoo kaayay taqay tuba, “Ugu ti Nimuroodi slagaaduusay pahha gwaa khamaslu pandaa da Taataa Iliitleemuge.” 10 Tlaatleesoo da tawaaloo dosi yaa na yaamu gu Babeeli, Ereeki, Akaadi haa Kaliine hhapee da Sinaarige.a 11 Taysaa Nimuroodi gi hada kay hhapee da Asuuruge, gi tleehhi yaamu gu Ninaawi, Rehhoboot-iri, Kaala haa 12 yaamu gu Reseeni gwaa tla⁄aã gu Ninaawi haa yaamu gu didirige waaree, daa eteediidine na Kaala.
13 Misiri yaa kookoo gu hida doó eteedine hari uma gu Luudi, Anaamu, Lehaabi, Nafituuhhi, 14 Patiruusi, Kasiluuhhi (hhaã daganaa ilii dahhi hida doó eteedine na Wafiliisiti) haa Kafutoori.
15 Kanaani naa taataa gu Sidooni haa hida gu Hiiti. 16 Slime Kanaani yaa taataa gu hida doó eteedine na Wayebuusi, Waamoori, Wagirigaasi, 17 Hiifi, Ariiki, Siini, 18 Arifaadi, Semaari haa Khamaati. Asunkuilee hida gu motoliyatee da Wakanaani yaa ilakoniri pasimidu, gi motoliya waka tleehhidiri. 19 Digimi gu hhapee da Kanaani, yaa Sidoonigo tlaatleesi hari bara da goraa yade khuꞌusi wayee dawaraa da yaamu gu Gaasa haa Geraari. Kara digimaa gi yade khuꞌusi ilacindoo gu rawaa dawaraa yaamu gu Sodomaage haa Gomoora, Adimaa haa Seboyiimu yade naqatloo Laasa.
20 Hhakee na laqwaloo da Haamu daa khuiye hari umaiĩ gu motoliya dooina, gimba gooina haa hhapapu koina.
Seemu haa laqwaloo dosi
21 Seemu, hhia gu didiru gu Yafeeti, ina naa taataa gu hida goõ gu Ebeeri.
22 Yaꞌay gu hhawatee gu Seemu niĩ
Elaamu, Asuuru, Arifakisaadi, Luudi haa Araamu.
23 Yaꞌay gu hhawatee gu Araamu niĩ
Uusi, Khuuli, Geteeri haa Maasi.
24 Arifakisaadi gi laqwali Selakhaa,
Selakhaa gi laqwali Ebeeri.
25 Ebeeri gi laqwali yaꞌay cada gu hhawatee,
Qatlay ina giyaa ilii slafiye, hida khoorooge hinginaa ilii deehhiri, gi pasidiri, sa gimbakee hikee gu badiisu gurigi ay uma na Peleegi.b Hikee gu caduu guri ay uma na Yokitaani.
26 Yokitaani gi laqwali
Alimodaadi, Selefuu, Hasarimaweeti, Yeerahhi, 27 Hadoraamu, Usaali, Dikilaa, 28 Obalii, Abimaeeli, Seeba, 29 Ofiiri, Hafiila haa Yobaabu. Haã gonkoinaa na laqwaloo da hhawatee da Yokitaani.
30 Hhapee giyaa ilii ibimaamidiyee, digimaa gosi yaa Meesago tlaatleesi gi day Sefaarige omeeri gu ilacindoo gu rawaage.
31 Hhakee na laqwaloo da Seemu daa khuiye hari umaiĩ gu motoliya dooina, gimba gooina haa hhapapu koina.
32 Haã na motoliya da yaꞌay gu hhawatee gu Nuuhu, sirakomamidu gu laqwaloo dooinay haa daqeemoo gu hhapapu koinay. Tiaa yaꞌay hhankaa gu Nuuhugo, daganaa iliica⁄i raqoo gu kabiraa da hida goõ, gi pasidiri khooroo gonge, daa ilii kereꞌedi tlubaykee gu ilawa⁄iya.