Adaamu haa laqwaloo dosi
5
1 Hiĩ ti catimisu gu faadoo da laqwaloo da Adaamu. Qatlay Iliitleemu giyaa ilii tleehhi heedi (Adaamu), giyaati tleehhi, idoo gi ilii slanqasiye gooay. 2 Ina giyaati tleehhi hhawata haa hadee, da hheꞌesi gigi ⁄aafi, girigi ay na “hida.”3 Qatlay Adaamu giyaa ilii kone koraraa miyaa leẽ haa mibeeri tami, gi laqwali naw gu ina slanqasa, gurigi ay uma na Seeti. 4 Qariqaaqari giyaa ilii laqwali Seeti, Adaamu gi ibiidi koraraa miyaa gweleti. Kara, qatlaykeesii gi laqwali yaꞌay wakinay gu hhawatee haa gu tigay. 5 Adaamu ibinaa dosi goõ yaay oodi koraraa miyaa gweleti haa mibi haa tami, gi tosaa hhami.
6 Seeti giyaa ilii kone koraraa miyaa leẽ haa kooani, gi laqwali Enoosi. 7 Qariqaaqari giyaa ilii laqwali Enoosi, Seeti gi ibiidi koraraa miyaa gweleti haa fanqu, kara qatlaykeesii gi laqwali yaꞌay wakinay gu hhawatee haa gu tigay. 8 Seeti ibinaa dosi goõ yaay oodi koraraa miyaa gweleti haa mibi haa cada, gi tosaa hhami.
9 Enoosi giyaa ilii kone koraraa mibeeri gweleti, gi laqwali Kenaani. 10 Qariqaaqari giyaa ilii laqwali Kenaani, Enoosi gi ibiidi koraraa wakinay miyaa gweleti haa mibi haa kooani, kara qatlaykeesii gi laqwali yaꞌay wakinay gu hhawatee haa gu tigay. 11 Enoosi ibinaa dosi goõ yaay oodi koraraa miyaa gweleti haa kooani, gi tosaa hhami.
12 Kenaani giyaa ilii kone koraraa mibeeri fanqu, gi laqwali Mahalaleeli. 13 Qariqaaqari giyaa ilii laqwali Mahalaleeli, Kenaani gi ibiidi koraraa miyaa gweleti haa mibeeri cigahha, kara qatlaykeesii gi laqwali yaꞌay wakinay gu hhawatee haa gu tigay. 14 Kenaani ibinaa dosi goõ yaay oodi koraraa miyaa gweleti haa mibi, gi tosaa hhami.
15 Mahalaleeli giyaa ilii kone koraraa mibeeri lahhoꞌo haa kooani, gi laqwali Yareedi. 16 Qariqaaqari giyaa ilii laqwali Yareedi, Mahalaleeli gi ibiidi koraraa wakinay miyaa gweleti haa mibeeri tami, kara qatlaykeesii gi laqwali yaꞌay wakinay gu hhawatee haa gu tigay. 17 Mahalaleeli ibinaa dosi goõ yaay oodi koraraa miyaa gweleti haa mibeeri gweleti haa kooani, gi tosaa hhami.
18 Yareedi giyaa ilii kone koraraa miyaa leẽ haa mibeeri lahhoꞌo haa cada, gi laqwali Enooki. 19 Qariqaaqari giyaa ilii laqwali Enooki, Yareedi gi ibiidi koraraa wakinay miyaa gweleti, kara qatlaykeesii gi laqwali yaꞌay wakinay gu hhawatee haa gu tigay. 20 Ina ibinaa dosi goõ yaay oodi koraraa miyaa gweleti haa mibeeri lahhoꞌo haa cada, gi tosaa hhami.
21 Enooki giyaa ilii kone koraraa mibeeri lahhoꞌo haa kooani, gi laqwali Metuseela. 22 Qariqaaqari giyaa ilii laqwali Metuseela, Enooki gi ibiidi koraraa wakinay miyaa tami, tay yaa tosaa kona ibinaa da ilaciyaa da ilagaasaraa haa Iliitleemu. Kara qatlaykeesii gi laqwali yaꞌay wakinay gu hhawatee haa gu tigay. 23 Enooki ibinaa dosi goõ yaay oodi koraraa miyaa tami haa mibeeri lahhoꞌo haa kooani. 24 Enooki gi ibiidi, ibinaa da ilagaasaraa haa Iliitleemu, da hheꞌesi gii hhancooi, sa gimba Iliitleemu guraa waaudi rawaa gu rawge.
25 Metuseela giyaa ilii kone koraraa miyaa leẽ haa mibeeri gweleti haa fanqu, gi laqwali Lameeki. 26 Qariqaaqari giyaa ilii laqwali Lameeki, Metuseela gi ibiidi koraraa wakinay miyaa fanqu haa mibeeri gweleti haa cada, kara qatlaykeesii gi laqwali yaꞌay wakinay gu hhawatee haa gu tigay. 27 Metuseela ibinaa dosi goõ yaay oodi koraraa miyaa gweleti haa mibeeri lahhoꞌo haa gweleti, gi tosaa hhami.
28 Lameeki giyaa ilii kone koraraa miyaa leẽ haa mibeeri gweleti haa cada, gi laqwali naw, 29 nakee gurigi ay uma na Nuuhu. Ina gi kaay tuba, “Ina nandi tlaatlaqasi yondu gooraa gwaa karahhu gu dabaiĩ koti, hhapee daa ilawaasige ha Taataa Iliitleemu.” 30 Qariqaaqari giyaa ilii laqwali Nuuhu, Lameeki gi ibiidi koraraa wakinay miyaa kooani haa mibeeri gweleti haa kooani, kara qatlaykeesii gi laqwali yaꞌay wakinay gu hhawatee haa gu tigay. 31 Lameeki ibinaa dosi goõ yaay oodi koraraa miyaa fanqu haa mibeeri fanqu haa fanqu, gi tosaa hhami.
32 Qariqaaqari Nuuhu giyaa ilii kone koraraa miyaa kooani, gi laqwali yaꞌay tami gu hhawatee, umaiĩ koina niĩ Seemu, Haamu haa Yafeeti.