Lupapulo lweke Paulo kwa
Filimooni
Mulombolo
Lupapulo loolu lwakanyeghwanga na muntengwe Paulo ku muntu ^akabheele najhitilwe Filimooni. Jhilōleeke kubha ti Filimooni akabheele najhīkeele mu lugho lwa Kolosai (kūnga Bhakolosai 4:9). Akabheele mutunsi kabhili akabheele na bhasya. Filimooni akabheele muhemba ghweke Kiliisito, no mu nyumba jhyajhe mobhakabheele bhakomenkana bhahemba bheke Kiliisito. Paulo no Filimooni bhakemānyanga fisogha.
Paulo ghakanyeghanga lupapulo loolu mafuku ghwakabheele nali mwi ighelesya mu lugho lwa Luumi, mwaka ghwa 60 bhoobhu Jheesu Kiliisito nafuukile. Paulo ghakamunyeghelanga lupapulo loolu Filimooni, akulinga amufūnaanile musya ghweke Filimooni ^akabheele najhitilwe Oneesimo. Jhilōleeke kubha ti musya ghoogho ghakelukanga kufuma kwa Filimooni. Syakalōndanga ghaajha ku Luumi ghaliilōla na Paulo. Kundi Paulo ghamutembekesesya Sikūla Sisogha syeke Jheesu. Kundi Oneesimo ghamwisigha Jheesu, ghasābhuka.
Ku mafuku ghaagho, musya ghoghonse ghwa kwiluka kufuma kwa sye bhusya, kundi ghaanīghwa, akabheele ghabheghwa kahūnga. Nonwe Paulo akabheele nalikumulaghiila Oneesimo kwa sye bhusya Filimooni. Kundi Paulo ghaamuha Oneesimo lupapulo amufelele Filimooni. Mu lupapulo loolo Paulo ghakamusēeghanga Filimooni amupokeele Oneesimo kobhe muntu ghwajhe, kabhili kobhe ghwamughana ghwajhe bhukohela bhesighile hamwi.