Lupapulo lweke Paulo kwa
Tiito
Mulombolo
Loolu lupapulo lunyeghilwe na Paulo, muntengwe ghweke Jheesu Kiliisito. Mafuku mase nasyali kunyegha lupapulo loolu, Paulo akabheele nalikukola mulīmo ghweke Kabhumba hamwi no Tiito mu kalila ka Kileete. Mukubha Paulo ghaafuma kooko, ghakamunyeghelanga Tiito lupapulo loolu lwa malaghi gha namba na namba ^ghajhikenyie no kujhughalalila bhahemba bha kooko ku Kileete. Ghakamuhanga Tiito mulīmo ghwa kusongola bhakulu bha kaniisa. Kabhili ghakamulombanga abhasīipye bhahemba bha ku Kileete, bhukohela bhakabheeleho bhamakota bha malami.
Lundi luhande maghāmbo mengi ^ghali mu lupapulo loolu lweke Tiito, ghasusene na ghalya ^ghali mu lupapulo lwa kusumbula kwa Timoseo. Filōleeke kubhala mpapulo seesi ibhili syakanyeghwanga mu liima limwi. Kubha ghwahensa kumānya fisogha ighāmbo lyolyonse lyolosānga mu lupapulo loolu, kūnga mu lulya lupapulo lwa kusumbula lweke Paulo kwa Timoseo.