Jhona 4

Jhona ghaghājha sighōngo syeke Kabhumba

Tukubha Jhona haaho ghaghājha nkana, ghaalōla sisila. 2 Ghamusēegha SYE BHUSYA kubhala, “Ee, TAATA BHUSYA, leeli ti gho lilya lyonankabhalanga nensyali ku lugho? Feefi gho fyakasūlanga une kukilimila ku Talisiisi. Nankakilimanga bhukohela nyinsi kubha ughwe uli Kabhumba ghwa sighōngo mutēha bhantu bhonse, toli bhwangu kughājha uli mwangu ghwa sighōngo, uli Kabhumba ukolēka kusūla manfu. 3 Nonwe TAATA BHUSYA twala bhupanga bhwane, bhukohela sumbwa une nanfwa hali kubha bhupanga.” 4 Haaho SYE BHUSYA ghamubhasya, “Ughwe uli ne nfūno jhinasūla kughājha?”

5 Jhona akabheele ghanyalika hanse ghajhīkala luhande lwa ku bhufuma isyubha bhwa lugho. Haaho ghajhōojhya nsendeka ghajhīkala mu bhulēlo, nahembele alōle silakwīsa mu lugho. 6 Haaho SYE BHUSYA Kabhumba ghabha ghabhyala kabhuto. Kamēla, kakula kasūla bhulēlo bhwa kutamukilamo Jhona, amutamusye kusamba kwajhe. Jhona naagho ghabhutēha nkana bhulya bhulēlo. 7 Tukubha mu mulāabho ghwajhe mulāabho mulāabho nkana, Kabhumba ghalaghiila mijhye, jhyalya maanyi ghaghuma. 8 Mukubha isyubha lyafuma, Kabhumba ghalaghiila musāgha ghwa kughumika, ne isyubha lyapalikila ku mutwe ghweke Jhona ghabha heehi kukolobhela. Isambila lya nkana ghahensa kufwa ghaabhala, “Sumbwa une infwe hali kubha bhupanga.” 9 Kabhumba ghamubhasya, “Ughwe uli ne nfūno jhinasūla kughājha ku ghaagha ghonanjīla?” Jhona ghahindula, “Elo, ndi naho ha kughājhila, nanfīka hale kughājha, sumbwa nanfwa.”

10 Tukubha SYE BHUSYA ghamubhalila, “Ughwe ghwaghājha maanyi bhoghaghuma noghwe tukabhyala mbuto, tukagholelela. Jhyakamēlanga kwi ifuku limwi, jhyanaghuma kwi ifuku limwi. 11 Tukubha lugho lwa Ninawi luli na bhantu kusumba elufu ighāna na makumi abhili (120,000) ^bhasikobhwele kumānya ibhi ne isogha, hamwi no kubha na manywele mengi gha kutungwa. Teeti, nsinalulōlela sighōngo loolo lugho lukulu?”