Esaw nziyiy lə ghyi tsa ci tə hiɗi Edum
36
Avanata njasa nza hulfə Esaw tsa har məndi vaa Edum diɓa: 2 Dzəghwa Esaw mbaʼ ɓəvə miʼi ci mbə ghyehi ka Kanahaŋ. Kar Ada zha Eluŋ ndə ka Hit mbaʼ ʼWəhulivama zha Ana, Zha Civeyuŋ ndə ka Hevitə. 3 Zhini na mbaʼ ɓəvə Basəmatə zha Isəmayel zhambəghiy Nebayutə. 4 Dzəghwa Ada mbaʼ yakə Elifazə kaa Esaw. Ma Basəmatə na, mbaʼ yanakə Rewəl. 5 Dzəghwa ʼWəhulivama mbaʼ yanakə kar Yewəsh mbaʼ Yaelam, mbaʼ Kura. Ava tsəgha na ndərazhi yavə Esaw tə hiɗi ka Kanahaŋ.6 Dza Esaw pəm pəməvə miʼi ci lə ndərazhiy zhər ci, lə ghyehi ci mbaʼ mbəzli kiy ghyi tsa ci gwanashi. Tsəgha ghəci kavə dəmbəkə tsa ci gwanay, ɓasə kaa shiy niy mənivə na tə hiɗi ka Kanahaŋ gwanashi, ka dzay dzəti nihuti hiɗi kərakə vəgha Zhakubə zəmbəghiy. 7 Sa nzana tərəŋuəshi shiy niy nza və shi ta nziy ghəshi tə pi kutiŋ, daw ngula niy nza tə pi tsaa niy nza ghəshi va ta makə dəmbəkə tsa shi, va tsəgha niy dzay na. 8 Dzəghwa Esaw tsa har məndi vaa Edum ki, mbaʼ dza nziyiy dzar mbə kəleŋer tə hiɗi Seyir.
Hulfə Esaw
9 Avanta njasa nza hulfə Esaw jijihiy ka Edum mbə kəleŋer tə hiɗi Seyir. 10 Kar Elifazə zəghu Ada mali Esaw ghəshi lə Rewəl zəghu Basəmatə mali Esaw na ndərazhiy zhər yakə Esaw.
11 Avanashi ni Elifazə ndərazhi: kar Teman lə ʼWəmar, mbaʼ Tsefu, mbaʼ Gatam, mbaʼ Kenazə. 12 A nahuti mali niy nza tiɓa tar bəla va Elifazə zəghu Esaw va. Timna kə məndi kaa slən tsa nzə. Dzəghwa na, mbaʼ yanakə tsahuti zəghu Amalek kə məndi kaa slən tsa ci. Ava tsəgha na kəhəhita Ada mali Esaw.
13 Avanashi ni Rewəl ndərazhi: kar Nahatə lə Zerahə, mbaʼ Shama, mbaʼ Miza. Kəhəhita Basəmatə mali Esaw na ni va. 14 Avanashi ndərazhi ʼWəhulivama zha Ana, zha Civeyuŋ mali Esaw: kar Yeush lə Yaelam mbaʼ Kura.
15 Avanashi mezhizhə mbə hulfə Esaw: Ndərazhi Elifazə kwa taŋa zəghu Esaw: Kar mazə Teman, mbaʼ mazə ʼWəmar, mbaʼ mazə Sefu, mbaʼ mazə Kenazə, 16 mbaʼ mazə Kura, mbaʼ mazə Gayetam, mbaʼ mazə Amalek. Ghəshi na mezhizhə mbə ndərazhi Elifazə. Tə hiɗi Edum niy nza ghəshi. Kəhəhita Ada na ghəshi.
17 Avanashi ndərazhi Rewəl zəghu Esaw: Mazə Nahatə, mbaʼ mazə Zerahə, mbaʼ mazə Shama, mbaʼ mazə Miza, ghəshi na mezhizhiy səvəri mbə Rewəl. Tə hiɗi Edum niy nza ghəshi. Kəhəhita Basəmatə mali Esaw na ghəshi.
18 Avanashi ndərazhi ʼWəhulivama mali Esaw: Mazə Yewəshi, mbaʼ mazə Yahelam, mbaʼ mazə Kura. Ghəshi na mezhizhiy səvəri mbə ʼWəhulivama zha Ana, mali Esaw.
19 Ava tsəgha na mezhizhə tə Hiɗi Edum, mbə hulfə Esaw.
20 Avanashi mbəzliy səvəri mbə Seyir ndə ka Hur, ghəshi na kwa taŋa mbəzliy gha nziy tə hidi Edum: kar Lutan, mbaʼ Shubal, mbaʼ Shivəyuŋ, mbaʼ Ana, 21 mbaʼ Dishuŋ, mbaʼ Eser, mbaʼ Dishaŋ. Ghəshi na mezhizhə mbə ka Hur, mbəzliy səvəri mbə Seyir, tə hiɗi ka Edum. 22 Ndərazhi Lutan na: kar Huri lə Hemam. A zhambəghiy Lutan niy nza tiɓa, Timna kə məndi kaa slən tsa nzə. 23 Avanashi ndərazhi Shuval: kar Aləwaŋ lə Manahatə, mbaʼ Eval, mbaʼ Shefu, mbaʼ ʼWənam. 24 Ndərazhi Civeyuŋ na: Kar Aya ghəshi lə Ana. Ana niy kəsashi na mətsəhi yam mbə gamba ghənzə mbə ndəghu kwantəmcahi Civeyuŋ, dəta. 25 Ndərazhi Ana na: Kar Dishuŋ lə ʼWəhulivama, zha Ana. 26 Ndərazhi Dishuŋ na: Kar Hemdaŋ mbaʼ Eshəbaŋ, mbaʼ Yitəraŋ ghəshi lə Keranə. 27 Ndərazhi Eser na: Kar Bilhanə lə Zaawaŋ mbaʼ Akan. 28 Ndərazhi Dishaŋ na: Kar Ucə lə Araŋ. 29 Avanashi mezhizhə ka Hur: Mazə Lutan, mbaʼ mazə shuval, mbaʼ mazə Civeyuŋ, mbaʼ mazə Ana, 30 mbaʼ mazə Dishuŋ, mbaʼ mazə Eser, mbaʼ mazə Dishaŋ. Ghəshi na mezhizhə ka Hur njasa nza takə tsa shi mbə hiɗi ka Seyir.
31 Avanashi mezhizhiy mənəhu mazə tə hiɗi Edum məndi ghula ta pəərə mazə mbə hulfə ka Izərayel: 32 Dzəghwa Bela zəghu Beur mbaʼ mənəhu mazə tə hiɗi Edum. Dinəhava niy nza slən tsa məlmə ci. 33 Ma sa mətiy na na, mbaʼ Zhəwvavə zəghu Zerahə mbərəhu məni mazə kwa pi tsa ci. Bucəra niy nza slən tsa məlmə ci. 34 Sa mətiy Zhəwvavə na, mbaʼ Hwəsham ntsa tə hiɗi ka Teman mbərəhu məni mazə kwa pi tsa ci. 35 Sa mətiy Hwəsham na, mbaʼ Hadadə zəghu Bedadə mbərəhu məni mazə. Ghəci na saa niy irəti ka Madiyaŋ va lə mbəzə mbə gamba Muwabə. Awitə niy nza slən tsa məlmə ci. 36 Sa mətiy Hadadə na, mbaʼ Saməla mbərəhu məni mazə kwa pi tsa ci. Masəreka niy nza məlmə ci. 37 Sa mətiy Saməla na, mbaʼ Shawəl mbərəhu məni mazə kwa pi tsa ci. Rehubwətə miy həl niy nza məlmə ci. 38 Sa mətiy Shawəl na, mbaʼ Bal-Hanan zəghu Akəbwər mbərəhu məni mazə. 39 Sa mətiy Bal-Hanan zəghu Akəbwər na, mbaʼ Hadar mbərəhu məni mazə. Pawə niy nza slən tsa məlmə ci. Mehetavel, kə məndi kaa slən tsa mali ci. Zha Matəredə niy nza na, kəhəta Me-Zahabə.
40 Avanashi sləneɗemer mbəzliy mənəhu mazə mbə mbəzliy səvəri mbə Esaw, Ya wa ndiy lə takə tsa ci mbaʼ pi tsa məni na mazə ti: Mazə Timna, mbaʼ Mazə Aləwa, mbaʼ mazə Yetetə, 41 mbaʼ mazə ʼWəhulivama, mbaʼ mazə Ela, mbaʼ mazə Pinwəŋ, 42 mbaʼ mazə Qenazə, mbaʼ mazə Temanə, mbaʼ mazə Mivəzar, 43 mbaʼ mazə Magədiyel, mbaʼ mazə Iram. Ava tsəgha na mezhizhiy mənəhu mazə tə hiɗi Edum, lə pi tsaa nziy ghəshi ti tiɓa tə hiɗiy niy sləkə ghəshi. Esaw na jijihiy ka Edum.