Jijihiy Adam paʼa tə Nəwe
5
Avanashi njasa nza jijihiy Adam: Fəca vici ngati Hiyala ndə ngəriy, weʼi ghən tsa nzə ghənzə Hiyala ngati na. 2 Zal mbaʼ mali niy ngatishi na, mbaʼ təfanatishi miy. Fəca ngashi na vay, ke ngəri, kə kaa har shi.3 Adam lə piya bələku mbaʼ mahəkanə mətsəkiy, aa niy yakə zəghu weʼi ghən tsa ci, war njasa nza pa ci niy yakə na, dzəghwa na mbaʼ fanati slən Setə. 4 Liy hum sa yakə Adam Setə ki na, mbaʼ zhiniy hiy tə hiɗi piya bələku bələku dəghəsə. Mbaʼ yavə nihuti ndərazhiy zhər lə ghyehi gwaʼa. 5 Ma sa mənti piya ci gwanata bələku bələku məsliɗə mbaʼ mahkan mətsəkə ghən kən na, mbaʼ mətiy.
6 Sa mənti Setə piya bələku mbaʼ cifə na, dza na mbaʼ yavə Enushə. 7 Liy hum sa yakə Setə Enushə na, mbaʼ zhiniy hiy tə hiɗi piya bələku bələku dəghəsə mbaʼ mbərfəŋ. Mbaʼ yavə nihuti ndərazhiy zhər lə ghyehi gwaʼa. 8 Ma sa mənti piya ci gwanata bələku bələku məsliɗə mbaʼ məŋ lə bakə ghən kən na, mbaʼ mətiy.
9 Sa mənti Enushə piya məsliɗə mətsəkə na mbaʼ yavə Kenam. 10 Liy hum sa yakə Enushə Kenam ki na, mbaʼ zhiniy hiy tə hiɗi piya bələku bələku dəghəsə mbaʼ məŋ lə cifə. Mbaʼ zhiniy yavə nihuti ndərazhiy zhər lə ghyehi gwaʼa 11 Ma sa mənti piya ci gwanata bələku bələku məsliɗə mbaʼ cifə ghən kən na, mbaʼ mətiy.
12 Sa mənti kenam piya mbərfəŋəmətsəkə na, mbaʼ yavə Mahalalel. 13 Liy hum sa yakə Kenam Mahalalel na, mbaʼ zhiniy hiy tə hiɗi piya bələku bələku dəghəsə mbaʼ faɗə mətsəkə ghən kən. Mbaʼ zhiniy yavə nihuti ndərazhiy zhər lə ghyehi gwaʼa 14 Ma sa mənti piya ci gwanata bələku bələku məsliɗə mbaʼ məŋ ghən kən na, mbaʼ mətiy.
15 Sa mənti Mahalalel piya kwaŋəmətsəkə cifəti na, mbaʼ yavə Yeɗeɗə. 16 Liy hum sa yakə Mahalalel Yeredə na, mbaʼ zhiniy hiy tə hiɗi piya bələku bələku dəghəsə mbaʼ mahəkanə mətsəkə ghən kən. Mbaʼ zhiniy yavə nihuti ndərazhiy zhər lə ghyehi gwaʼa. 17 Ma sa mənti piya Mahalalel gwanata bələku bələku dəghəsə mbaʼ məsliɗəmətsəkə cifəti ghən kən, mbaʼ mətiy.
18 Sa mənti Yeredə piya bələku mbaʼ kwaŋəmətsəkə bakəti na, mbaʼ yavə, Enukə. 19 Liy hum sa yakə Yeredə Enukə na, mbaʼ zhiniy hiy tə hiɗi piya bələku bələku dəghəsə. Mbaʼ zhiniy yavə nihuti ndərazhiy zhər lə ghyehi gwaʼa. 20 Ma sa mənti piya ci gwanata bələku bələku məsliɗə mbaʼ kwaŋəmətsəkə bakəti ghən kən na, mbaʼ mətiy.
21 Sa mənti Enukə piya kwaŋəmətsəkə cifə ti na, mbaʼ yavə, Matusala. 22 Liy hum sa yakə Enukə Matusala na, mbaʼ zhiniy hiy tə hiɗi piya bələku bələku mahəkanə war mbə nuw Hyalay ghəci, mbaʼ zhiniy yavə nihuti ndərazhiy zhər lə ghyehi gwaʼa. 23 Piya bələku bələku mahəkanə mbaʼ kwaŋəmətsəkə cifəti niy mənti na tə hiɗi. 24 Ghəciy, mbə nuw Hiyala niy nzana mbə nziy tsa ci, mbaʼ Hiyala səəkəə ɓəhu dzəvəgha, kala nay məndi ghula.
25 Sa mənti Matusala piya bələku mbaʼ dəghəsəmətsəkə mbərfəŋəti ghən kən na, mbaʼ yavə Lemekə. 26 Liy hum sa yakə Matusala Lemekə na mbaʼ zhiniy hiy piya bələku bələku mbərfəŋ mbaʼ dəghəsəmətsəkə bakə ti ghən kən. Mbaʼ yavə nihuti ndərazhiy zhər lə ghyehi gwaʼa. 27 Ma sa mənti piya ci gwanata bələku bələku məsliɗə mbaʼ kwaŋəmətsəkə məsliɗə na, mbaʼ mətiy.
28 Sa mənti Lemekə piya bələku mbaʼ dəghəsəmətsəkə bakəti na, mbaʼ yavə zəghu. 29 Nəwe kə kaa slən tsa ci. Ma kə niy ni mbə gəzə kuma ci mbə fə slən tsa vay: «Zəghu na dza naa məntəmmə feee mbə sləni məni ghummə lə va ngəraʼu tsa sa ghummə tə mbərkə hiɗi ni, sa bazlantishi Kwa sləkəpə,» kə niy ni. 30 Liy hum sa yakə Lemekə Nəwe na, mbaʼ zhiniy hiy tə hiɗi piya bələku bələku cifə mbaʼ məsliɗəmətsəkə cifəti ghən kən. Mbaʼ yavə nihuti ndərazhiy zhər lə ghyehi gwaʼa. 31 Ma sa mənti piya ci gwanata bələku bələku mbərfəŋ mbaʼ mbərfəŋ mətsəkə mbərfəŋti ghən kən na, mbaʼ mətiy.
32 Ma sa mənti Nəwe piya bələku bələku cifə na, mbaʼ yavə ndərazhi mahəkanə, kar Sem lə Sham, mbaʼ Zhafetə.