6
Sɑ kuɑ gonu torɑrun wuswɑɑɔ,
ɑdɑmɑ wɑsobu Kirisi sɔɔ
1 Ǹ n mɛn nɑ, mbɑ sɑ ko gere. Sɑ ko n dɑ n torɑmɔwɑ durom mu kɑ sosi? 2 Aɑwo, n ǹ mɛ. Bɛsɛ bè sɔɔ torɑrɑ kun mɑɑ dɑm mɔ, ɑmɔnɑ sɑ ko n mɑɑ kɑ wɑ̃ɑ ten dɑm nɔmuɔ. 3 I ǹ yeni yɛ̃? Sɑnɑm mɛ bɑ sun bɑtɛmu kuɑ su kɑ gbinnɑ kɑ Yesu Kirisi, win gɔɔ sɔɔrɑ sɑ kɑ nùn gbinnɑ. 4 Bɑtɛmu ye sɔɔ, bɑ sun sikɑ kɑ wi sɑnnu, mɑ sɑ win gɔɔ bɔnu kuɑ, kpɑ nge mɛ Kirisi u seewɑ gɔrin di kɑ Bɑɑbɑn yiiko, bɛsɛ mɑɑ sɑ n sĩimɔ kɑ wɑ̃ɑ kpɑɑru.
5 Domi sɑ̀ n gbinnɑ kɑ wi sɑnɑm mɛ sɑ win gɔɔ bɔnu kuɑ, sikɑ sɑri sɑ ko mɑɑ win seebu gɔrin di bɔnu ko kpɑ su gbinnɑ kɑ wi. 6 Sɑ yɛ̃ mɑ bɑ bɛsɛn dɑɑ gurɑ kpɑre dɑ̃ɑ bunɑnɑru sɔɔ kɑ wi sɑnnu, kpɑ bɛsɛn wɑsi torɑrugii yi ko dɑm sɑrirugii kpɑ sɑ kun mɑɑ sɑ̃ɑ torɑrun yobu. 7 Domi wi u gu u yɑkiɑrɑ torɑrun nɔmɑn di. 8 Tɛ̃, nge mɛ sɑ gu kɑ Kirisi sɑnnu, sɑ mɑɑ nɑɑnɛ sɑ̃ɑ mɑ sɑ ko mɑɑ wɑ̃ɑru di kɑ wi sɑnnu. 9 Domi sɑ yɛ̃ mɑ Kirisi u seewɑ sɑɑ gɔrin di u ǹ mɑɑ gbimɔ, gɔɔ kun mɑɑ dɑm mɔ wi sɔɔ. 10 Domi gɔɔ wi u gu min sɔ̃, torɑrɑ kun mɑɑ dɑm mɔ win wɔllɔ, ɑdɑmɑ wɑ̃ɑ te u dimɔ tɛ̃, u tu dimɔwɑ Gusunɔn wuswɑɑɔ. 11 Mɛyɑ mɑɑ bɛɛn tii i tii gɑrisio gonu torɑrun wuswɑɑɔ, kpɑ i n sɑ̃ɑ wɑsobu Gusunɔn wuswɑɑɔ Kirisi Yesu sɔɔ.
12 Ǹ n mɛn nɑ, i ku mɑɑ de torɑru tɑ n bɑndu dii bɛɛn wɑsi yi yi koo gbi sɔɔ. I ku yin binɛ mɛm nɔɔwɑ. 13 I ku rɑ bɛɛn wɑsin doo dookɑ torɑru nɔmu sɔndiɑ tu kɑ kɔ̃sɑ ko, ɑdɑmɑ i bɛɛn tii Gusunɔ nɔmu sɔndio nge wɑsobu be bɑ wurɑmɑ gɔrin di, kpɑ i bɛɛn wɑsin doo dookɑ Gusunɔ nɔmu sɔndiɑ yu kɑ geɑ ko. 14 Torɑru tɑ ǹ ko n yiiko mɔ bɛɛ sɔɔ, domi i ǹ wɑ̃ɑ woodɑn nɔmɑ sɔɔ mɑ n kun mɔ durom nɔmɑɔ.
Gem yobu
15 Ǹ n mɛn nɑ, ɑmɔnɑ sɑ ko ko. Sɑ ko n torɑmɔ yèn sɔ̃ sɑ wɑ̃ɑ durom nɔmɑ sɔɔ, n ǹ mɔ woodɑn nɔmɑ sɔɔ? Aɑwo, n ǹ mɛ. 16 I yɛ̃ sɑ̃ɑ sɑ̃ɑ mɑ ì n tii goo nɔmu sɔndiɑ nge yobu i kɑ nùn mɛm nɔɔwɑ, win yobɑ i sɑ̃ɑ. Ǹ n torɑrun nɑ, terɑ tɑ kɑ gɔɔ nɑɑmɔ. Ǹ n mɑɑ mɛm nɔɔbun nɑ, biyɑ bu kɑ gem wɛ̃ɛbu nɑɑmɔ. 17 Adɑmɑ su Gusunɔ siɑrɑ, domi i rɑɑ sɑ̃ɑ torɑrun yobu, ɑdɑmɑ tɛ̃ i sɔ̃ɔsi te mɛm nɔɔwɑmmɛ kɑ gɔ̃ru tiɑ te bɑ bɛɛ nɔmu sɔndiɑ. 18 Ye i mɑɑ yɑkiɑrɑ torɑrun di i kpɑ, i kuɑ gem yobu. 19 Nɑ gɑri mɔ̀ nge tɔn diro yèn sɔ̃ i sɑ̃ɑ dɑm sɑrirugibu. Nge mɛ gɑsɔ i bɛɛn wɑsin doo dookɑ disinu kɑ kɔ̃sɑ nɔmu sɔndiɑ nge yobu i kɑ kɔ̃sɑ ko, tɛ̃, i bɛɛn wɑsin doo dookɑ gem nɔmu sɔndio nge yobu kpɑ bɛɛn dɑɑ yu dɛɛrɑ.
20 Domi sɑnɑm mɛ i rɑɑ sɑ̃ɑ torɑrun yobu, gem kun dɑm mɔ bɛɛ sɔɔ. 21 Are yirɑ̀ i rɑɑ wɑ yè sɔɔ sekurɑ bɛɛ mɔ̀ tɛ̃. Yen wii goberu mɑɑ gɔɔwɑ. 22 Adɑmɑ tɛ̃ ye i yɑkiɑrɑ torɑrun di i kuɑ Gusunɔn yobu, bɛɛn ɑre sɑ̃ɑ dɑɑ dɛɛrɑ, bɛɛn wii goberu tɑ mɑɑ sɑ̃ɑ wɑ̃ɑru te tɑ ku rɑ kpe. 23 Domi gɔɔwɑ torɑrun ɑre, ɑdɑmɑ Gusunɔn kɛ̃rɑ wɑ̃ɑru te tɑ ku rɑ kpe Yesu Kirisi bɛsɛn Yinnin min di.