7
Ye suɑnɑbu sɔ̃ɔsimɔ
1 Be bɑ yɛ̃ ye woodɑ yɑ sɑ̃ɑ, beyɑ nɑ kɑ yɑ̃. Nɛgibu, i ǹ yɛ̃ mɑ mɛ̀n nɔɔ tɔnu u wɑ̃ɑ wɑ̃ɑru sɔɔ u wɑ̃ɑwɑ woodɑn nɔmɑ sɔɔ? 2 Nge mɛyɑ tɔn kurɔ kɑ win durɔ bɑ ko n wɑ̃ɑsinɛ woodɑn sɑɑbu sere durɔ win wɑ̃ɑrun nɔrɔ, ɑdɑmɑ win durɔ ù n gu, u yɑkiɑrɑ sɑɑ suɑnɑɑn woodɑn dɑm di. 3 Yen sɔ̃, sɑnɑm mɛ win durɔ u wɑsi mɑ u durɔ kpɑo suɑ, bɑ koo nùn sokuwɑ sɑkɑrɑ, ɑdɑmɑ win durɔ ù n gu, u yɑkiɑrɑ woodɑn di. Sɑnɑm mɛ, ù n durɔ kpɑo suɑ u ǹ sɑ̃ɑ sɑkɑrɑ. 4 Nge mɛyɑ mɑɑ bɛɛ nɛgibu, woodɑ yɑ ǹ mɑɑ dɑm mɔ bɛɛn wɔllɔ, yèn sɔ̃ i gu kɑ Kirisi sɑnnu, kpɑ i kɑ ko googibu. Tɛ̃, i sɑ̃ɑ wi bɑ seeyɑ gɔrin digibu, kpɑ sɑ n kɑ Gusunɔ binu mɑruɑmmɛ. 5 Domi sɑnɑm mɛ sɑ wɑ̃ɑ bɛsɛn tiin dɑɑn nɔmɑ sɔɔ, kɑnkɑm kĩi torɑrugiru te woodɑ yɑ seeyɑ tɑ sɔmburu mɔ̀ bɛsɛn wɑsin doo dookɑ sɔɔ mɑ tɑ kɑ sun dɔɔ gɔɔ giɑ. 6 Adɑmɑ tɛ̃, sɑ yɑkiɑrɑ woodɑn di ye yɑ rɑɑ sun nɛni nge dɛsobu domi yɑ ǹ mɑɑ dɑm mɔ bɛsɛn wɔllɔ. Nge mɛyɑ sɑ ko kpĩ su Gusunɔ sɑ̃ kɑ bwisiku kpɑɑnu ni nu wee Hunden di, n ǹ mɑɑ mɔ kɑ bwisiku guru ni nu wee woodɑn di.
Woodɑ kɑ torɑru
7 Ǹ n mɛn nɑ, mbɑ sɑ ko gere. Woodɑ yɑ sɑ̃ɑ torɑru? Aɑwo. Woodɑn sɑɑbuwɑ nɑ mɑm torɑru giɑ. Domi nɑ ǹ dɑɑ binɛ giɑmɔ woodɑ yɑ̀ kun nɛɛ, <<I ku rɑ binɛ ko.>> 8 Mɑ torɑru tɑ woodɑ tɑ̃sɑ tɑ kɑ binɛ bɑɑyere mɑrɑ nɛ sɔɔ. Domi mi woodɑ kun wɑ̃ɑ, torɑru mɑɑ sɑri. 9 Gɑsɔ, sɑnɑm mɛ woodɑ sɑri, nɑ rɑɑ wɑ̃ɑ, ɑdɑmɑ ye woodɑ yɑ nɑ torɑrɑ seewɑ 10 mɑ nɛn tii nɑ gu. Nge mɛyɑ woodɑ ye yɑ weenɛ yu wɑ̃ɑru wɛ̃, yeyɑ nɑ deemɑ yɑ kɑ mɑn gɔɔ nɑɑwɑ. 11 Domi torɑru tɑ woodɑ tɑ̃sɑ tɑ kɑ mɑn nɔni wɔ̃kuɑ, mɑ tɑ mɑn go.
12 Ǹ n mɛn nɑ, woodɑ yɑ dɛɛre, yen gɑri mɑɑ dɛɛre, yi dɛnde, yi mɑɑ wɑ̃. 13 Ǹ n mɛn nɑ, ye n geɑ sɑ̃ɑ yerɑ yɑ kɑ mɑn gɔɔ nɑɑwɑ? Aɑwo, torɑrɑ tɑ mɑn go kpɑ tu kɑ sɔ̃ɔsi mɑ te torɑrɑ. Domi tɑ gɑ̃ɑ geenu dendɑ tɑ kɑ mɑn go kpɑ tu kɑ sɛ̃siɑ n bɑndɑ sɑɑ woodɑn di.
Wi torɑru tɑ tɑɑre
14 Geemɑ, sɑ yɛ̃ mɑ woodɑ yɑ sɑ̃ɑ Hundegiɑ ɑdɑmɑ nɛ nɑ sɑ̃ɑwɑ wɑsigii wi bɑ torɑru dɔre. 15 Domi ye nɑ rɑ n mɔ̀ nɑ ku rɑ tubu. Ye nɑ kĩ nɑ ku rɑ ye ko, ɑdɑmɑ ye nɑ tusɑ yeyɑ nɑ rɑ ko. 16 Nɑ̀ n dɑ ko ye nɑ kun kĩ nɑ wurɑ mɑ woodɑ yɑ wɑ̃. 17 Mɛyɑ n ǹ mɑɑ mɔ nɛn tiiwɑ nɑ mɔ̀ mɑ n kun mɔ torɑ te tɑ mɑn wɑ̃ɑsi. 18 Nɑ yɛ̃ sɑ̃ɑ sɑ̃ɑ mɑ gɑ̃ɑ geenu sɑri nɛ sɔɔ, nɛn dɑɑwɑ nɑ kɑ yɑ̃, domi bɑɑdommɑ geɑn kĩrɑ wɑ̃ɑ nɛ sɔɔ, ɑdɑmɑ yen kobɑ nɑ ku rɑ kpĩ. 19 Nɑ ǹ geɑ ye mɔ̀ ye nɑ kĩ mi, kɔ̃sɑ ye nɑ tusɑ yeyɑ nɑ rɑ ko. 20 Adɑmɑ nɑ̀ n mɔ̀ ye nɑ kun kĩ, n ǹ mɑɑ nɛ nɑ mɔ̀. Torɑ te tɑ mɑn wɑ̃ɑsi, terɑ tɑ ye mɔ̀.
21 Woodɑ yeniwɑ nɑ wɑ nɛ sɔɔ. Sɑnɑm mɛ nɑ kĩ n geɑ ko, kɔ̃sɑ yɑ rɑ n mɑn wɑ̃ɑsi. 22 Nɑ nuku dobu mɔ Gusunɔn woodɑ sɔɔ nɛn gɔ̃ruɔ, 23 ɑdɑmɑ nɛn wɑsin doo dookɑ sɔɔ nɑ woodɑ tukɑ wɑɑmɔ ye yɑ sɑnnɑmɔ kɑ nɛn bwisikunu. Mɑ yɑ mɑn mɔ̀ torɑ ten dɛso te tɑ wɑ̃ɑ nɛn wɑsin doo dookɑ sɔɔ. 24 Gɔ̃ru gɑrin bɑrɔwɑ nɛ! Wɑrɑ koo mɑn wɔrɑ wɑsi yinin nɔmɑn di, yi yi kɑ mɑn gɔɔ dɔɔ. 25 Nɑ Gusunɔ siɑrɑ Yesu Kirisi bɛsɛn Yinnin sɑɑbu.
Ǹ n mɛn nɑ, nɑ sɑ̃ɑ Gusunɔn woodɑn yoo nɛn bwisikunu sɔɔ, ɑdɑmɑ nɛn dɑɑ sɔɔ nɑ sɑ̃ɑwɑ torɑrun yoo.