GƆROBUN KOOKOOSU
Tire te, tɑ sɑ̃ɑwɑ Lukun gɑrin sukum mɛ u mɑɑ Teofiru yoruɑ. Ye u sɔ̃ɔsimɔ tire te sɔɔ, yerɑ nge mɛ Hunde Dɛɛro u Yesun bwɑ̃ɑbu kpɑrɑ, kɑ nge mɛ Lɑbɑɑri Geɑ yɑ kɑ nɔɔrɑ Yerusɑlɛmuɔ n kɑ dɑ Yudeɑɔ kɑ Sɑmɑriɔ kɑ tem kpuro sɔɔ mɛ Romugibɑ mɔ wɑɑti ye sɔɔ, kɑ sere Gɛrɛkibɑn tem sɔɔ.
Tire te, tɑ mɑɑ sun sɔ̃ɔsimɔ nge mɛ Piɛɛ kɑ Pɔlu bɑ sɔmburu kuɑ. Tɑ mɑɑ sun sɔ̃ɔsimɔ mɑ Yesun gɑri yi ǹ nɛ yi kɑ tem yɛ̃robu seesi kpɑ yi ben woodɑbɑ go. Aɑwo, yi nɑwɑ yi kɑ Gusunɔn kĩru yibiɑ, wiru 13:7-12 kɑ wiru 16:35-40 kɑ wiru 19:31. Ye yɑ mɑɑ sɑ̃ɑ gɑ̃ɑ girinu tire te sɔɔ, yerɑ Hunde Dɛɛron nɑɑru tɔmbu sɔɔ Pɑntikotin tɔ̃ru sɔɔ. Sɑɑ dɔmɑ ten diyɑ Hunde Dɛɛro wi, u nɑɑnɛ dokeobu kpɑre mɑ u Yesun yigbɛru tɑ̃sisiɑmɔ.
Tire ten kpunɑɑ
1. Seedɑ dibun sɔɔru, wiru 1:1-26.
2. Seedɑ dibu Yerusɑlɛmuɔ, wiru 2n di sere wiru 8:3.
3. Seedɑ dibu Yudeɑɔ kɑ Sɑmɑriɔ, wiru 8:4n di sere wiru 12:25.
4. Pɔlun wɑɑsu dɑɑbu, wiru 13n di sere wiru 20.
5. Pɔlun siribu, wiru 21n di sere wiru 28.