TIRE TE PƆLU
U ROMUGIBU KUA
Pɔlu u tire te Romugibu yoruɑwɑ sɑɑ Korintin di sɑnɑm mɛ u sɔɔru mɔ̀ u kɑ dɑ Romu mi, u Yesun yigbɛru dɑm kɛ̃. Domi u kĩ u sɔmburu ko Romun Yesun yigbɛrugibun suunu sɔɔ sɑɑ fiiko kpɑ bu nùn somi u kɑ dɑ Ɛsipɑnin temɔ.
Pɔlu u sɔ̃ɔsimɔ win tire te sɔɔ ye yɑ sɑ̃ɑ nɑɑnɛ dokebu kɑ nge mɛ nɑɑnɛ doke bi, bu rɑ tɔnun wɑ̃ɑru kɔsi. Tire ten gɑri mɛro yɑ sɑ̃ɑwɑ nɑɑnɛ dokebu bu rɑ de tɔnu u fɑɑbɑ wɑ, n ǹ mɔ woodɑ n nɛnubu. Hɑnduniɑgibu kpurowɑ tɑ gɑri yi sɔ̃ɔmɔ. Domi Gusunɔn mi, goo kun goo.
Tire ten kpunɑɑ
1. Tire ten gɑri mɛro, wiru 1:1-17.
2. Tɔmbu kpurowɑ bɑ tore, wiru 1:18n di sere wiru 3:20.
3. Swɑɑ ye Gusunɔ u rɑ kɑ tɔmbu fɑɑbɑ ko, wiru 3:21n di sere wiru 4:25.
4. Wɑ̃ɑ kpɑɑru Kirisi sɔɔ, wiru 5n di sere wiru 8.
5. Gusunɔn himbɑ Isirelibɑn sɔ̃, wiru 9n di sere wiru 11.
6. Nge mɛ nɑɑnɛ dokeo u koo win wɑ̃ɑru diisinɑ, wiru 12n di sere wiru 15:13.
7. Tɔbiribu, wiru 15:14n di sere wiru 16:27.