Asirigibu
bɑ koo Yerusɑlɛmu tɑrusi
36
1 Esekiɑsi, Yudɑbɑn sinɑ bokon bɑndun wɔ̃ɔ wɔkurɑ nnɛse sɔɔ, yerɑ Asirin sinɑ boko Sɑnkeribu u Yudɑbɑn wuu si su dɑm mɔ wɔri u kɑmiɑ. 2 Lɑkisin diyɑ u win tɑbu sunɔ kɑ tɑbu durɔ dɑmgibu gɔrɑ Yerusɑlɛmuɔ Esekiɑsin mi. Tɑbu sunɔ wi, u dɑ u yɔ̃rɑ nim torɑn bɔkuɔ ye bɑ kuɑ yɑ rɑ kɑ nim nɛ wuuɔ sɑɑ bwiɑn di, be bɑ rɑ bekɑ wɔ̃ken sɔm koo yerun swɑɑɔ. 3 Yerɑ Eliɑkimu, Hilikiyɑn bii, sinɑ bokon sɔm kowobun wirugii, u dɑ ben mi kɑ Sebinɑ wi u sɑ̃ɑ sinɑ bokon tire yoro, kɑ Yoɑsi, Asɑfun bii, wi u rɑ tirenu bere. 4 Asirin tɑbu sunɔ wi, u bu sɔ̃ɔwɑ u nɛɛ, i Esekiɑsi sɔ̃ɔwɔ i nɛɛ, ɑmɛniwɑ bɛsɛ Asirigibun sinɑ boko wi u kpuro kere u geruɑ. U nɛɛ, mbɑ u yɔ̃rɑri u nɑɑnɛ sɑ̃ɑ mɛ. 5 U ǹ yɛ̃ mɑ u dɑm kɑ bwisin bukɑtɑ mɔ u kɑ tɑbu ko? Gɑri sɑɑrinu tɔnɑ nu ǹ turɑ. Ǹ n mɛn nɑ, mɑ sɔɔrɑ win nɑɑnɛ yɑ wɑ̃ɑ, u kɑ nùn seesi. 6 Geemɑ win nɑɑnɛ wɑ̃ɑwɑ Egibiti sunɔn mi, wi u sɑ̃ɑ nge kɑbɑ te tɑ kɔsikire. Wi u tu nɛnuɑ u tɑ̃siri, kpɑ tu nùn murɑ tu mɛɛrɑ ko. Nge mɛyɑ Egibitin sunɔ wi, u sɑ̃ɑ be bɑ nùn yĩiyɔ sɔɔ. 7 Mɛyɑ i ko gere i nɛɛ, Gusunɔ bɛɛn Yinniwɑ i nɑɑnɛ sɑ̃ɑ. Adɑmɑ n ǹ win sɑ̃ɑ yenu kɑ yɑ̃ku yenɑ Esekiɑsi u kɔsukɑ? U ǹ bɛɛ Yudɑbɑ kɑ Yerusɑlɛmugibu sɔ̃ɔwɑ u nɛɛ, i n dɑ yɑ̃kuru ko Yerusɑlɛmu mini tɔnɑn sɑ̃ɑ yerɔ?
8 Ǹ n mɛn nɑ, Esekiɑsi wi, u de u kɑ nɛn yinni Asirin sinɑ boko ɑrukɑwɑni bɔke kpɑ u nùn dumi nɔrɔbun subɑ yiru (2.000) wɛ̃, ù n yɛ̃ u koo mɑɑsɔbu wɑ bu yi sɔni. 9 Domi u ǹ kpɛ̃ u yɔ̃rɑ u wi u piiburu bo nɛn yinnin tɑbu kowobu sɔɔ mɑ, bɑɑ mɛ u tɑmɑɑ Egibitigibu bɑ koo nùn tɑbu kɛkɛ yi dumi gɑwe kɑ mɑɑsɔbu wɛ̃. 10 U ǹ yɛ̃ mɑ kɑ Yinni Gusunɔn yɛ̃rɑ Asirin sinɑ boko u kɑ tem mɛ wɔrimɑ, kpɑ u mu kɔsuku? Domi Gusunɔn tiiwɑ u nɛɛ, u doo u tem mɛ wɔri kpɑ u mu kɔsuku.
11 Mɑ Eliɑkimu kɑ Sebinɑ kɑ Yoɑsi bɑ durɔ wi sɔ̃ɔwɑ bɑ nɛɛ, ɑ suuru koowo sɑ nun kɑnɑmɔwɑ, ɑ ku mɑɑ kɑ bɛsɛ wunɛn bwɑ̃ɑbu gɑri ko kɑ bɛsɛn bɑrum, kpɑ tɔn be bɑ swɑɑ dɑki gbɑ̃rɑrun di bu ku nɔ ye sɑ gerumɔ. A kɑ sun gɑri koowo kɑ ɑrɑmum, domi sɑ mu nɔɔmɔ.
12 Adɑmɑ durɔ wi, u bu wisɑ u nɛɛ, i tɑmɑɑ nɛn yinni u mɑn gɔrimɑ bɛɛ kɑ bɛɛn yinni tɔnɑn sɔ̃ n kɑ gɑri yini gere? Aɑwo, kɑ mɑɑ be bɑ sɔ̃ gbɑ̃rɑru wɔllɔn sɔ̃nɑ be bɑ koo ben tiin swɑɑ swĩibu di kpɑ bu ben yɛ̃kum nɔ, kɑ bɛɛ sɑnnu. 13 Sɑɑ ye sɔɔrɑ durɔ wi, u gbɑ̃rɑ kɑ dɑm kɑ Yudɑbɑn bɑrum u nɛɛ, i bɛsɛ Asirigibun sinɑ boko wi u kpuro keren gɑri swɑɑ dɑkio. 14 U nɛɛ, i ku de Esekiɑsi u bɛɛ nɔni wɔ̃ke, domi u ǹ kpɛ̃ u bɛɛ wɔrɑ sɑɑ win nɔmɑn di. 15 I ku wurɑ i Yinni Gusunɔ nɑɑnɛ ko, bɑɑ Esekiɑsi ù n nɛɛ, Yinni Gusunɔ wi, u koo bɛɛ wɔrɑ. Yen sɔ̃nɑ n ǹ koorɔ Asirin sinɑ boko u wuu ge mwɑ. 16 I ku mɑɑ Esekiɑsi swɑɑ dɑki. I Asirin sinɑ bokogiɑ nɔɔwɔ wi u nɛɛ, i kɑ nùn nɔɔ tiɑ koowo kpɑ i nùn tii wɛ̃ kpɑ bɑɑwure u wɑ u win tiin resɛm gbɑɑru kɑ win figien dɑ̃ɑ binu di kpɑ u mɑɑ win boon nim nɔ. 17 Yen biru u koo nɑ u bɛɛ suɑ u kɑ dɑ tem gɑm mɛ mu sɑ̃ɑ nge bɛɛn tiin tem mɛ, mi resɛm kɑ ɑlikɑmɑ wɑ̃ɑ kpɑ i n pɛ̃ɛ kɑ tɑm mɔ. 18 Yen sɔ̃, i ku de Esekiɑsi u bɛɛ nɔni wɔ̃ke u nɛɛ, Yinni Gusunɔ u koo bɛɛ wɔrɑ. Bwese ni nu tien bũnu nu bu wɔrɑ Asirin sinɑ boko win nɔmɑn di? 19 Mɑnɑ Hɑmɑti kɑ Aɑpɑdi kɑ Sefɑɑfɑimun bũnu nu wɑ̃ɑ tɛ̃. Bũu goo u kpĩɑ u Sɑmɑrigibu wɔrɑ sɑɑ win nɔmɑn di? 20 Bũu ni nu wɑ̃ɑ tem mɛ kpuro sɔɔ, nin nirɑ̀ nu nin tem wɔrɑ sɑɑ win nɔmɑn di, bu sere nɛɛ, Yinni Gusunɔ u koo Yerusɑlɛmu wɔrɑ.
21 Adɑmɑ Yudɑbɑ kpuro bɑ mɑɑri, domi sinɑ boko Esekiɑsi u nɛɛ, bu ku rɑɑ nùn gɛɛ wisi. 22 Mɑ Eliɑkimu, Hilikiyɑn bii sinɑ bokon sɔm kowobun wirugii wi, kɑ mɑɑ win tire yoro Sebinɑ, kɑ sere Yoɑsi Asɑfun bii, wi u rɑ tirenu bere, bɑ nɑ Esekiɑsin mi. Bɑ yɑbe kĩɑnu sebuɑ nuku sɑnkirɑnun sɔ̃, mɑ bɑ nùn sɔ̃ɔwɑ kpuro ye durɔ wi, u geruɑ.