101
1 Womu ge Dɑfidi u kuɑ. Ge wee.
Wee kon womu ko ge gɑ kɑ siribu kɑ durom yɑ̃.
Yinni Gusunɔ, kon gu kowɑ n kɑ nun bɛɛrɛ wɛ̃.
2 Kon nɛn lɑɑkɑri doke swɑɑ geɑ sɔɔ.
Sɑɑ yerɑ̀ kɑɑ mɑn nɑɑwɑ.
Kon sĩwɑ dee dee nɛn yɛnugibun suunu sɔɔ.
3 Nɑ ǹ wurɑmɔ n kɔ̃sɑ mɛɛri.
Nɑ mɛm nɔɔbu sɑribɑn dɑɑ tusɑ.
Nɑ ǹ wurɑmɔ yu mɑn tiɑ.
4 Nɑ ǹ wurɑmɔ kɔ̃sɑ yɑ n wɑ̃ɑ nɛ sɔɔ.
Kon kɑ tɔn kɔ̃sobu tondɑ.
5 Kon de wi u rɑ kpɑɑsi wĩi u kɑm ko.
Nɑ ǹ kɑ wi u tii sue nɔɔ tiɑ mɔ̀.
6 Kon mɛɛri n wɑ be bɑ nɑɑnɛ mɔ tem mɛ sɔɔ,
kpɑ bɑ n wɑ̃ɑ nɛn bɔkuɔ.
Wi u sĩimɔ gem sɔɔ, wiyɑ u koo ko nɛn sɔm kowo.
7 Gbɛnɔ kun ɑyeru wɑsi nɛn yɛnuɔ.
Mɛyɑ mɑɑ wee kowo u ǹ yɔ̃rɑmɔ nɛn wuswɑɑɔ.
8 Bururu bɑɑtere, nɑ ko n dɑ tem mɛn tɔn kɔ̃sobu nɔɔ mɑrisiewɑ.
Kpɑ n wɑ n kɑ bu wunɑ mɑm mɑm Yinni Gusunɔn wuun di.