100
1 Siɑrɑbun womu. Ge wee.
Bɛɛ hɑnduniɑgibu kpuro,
i Yinni Gusunɔ tɑkɑru koowo kɑ nuku dobu.
2 I nùn sɑ̃ɑwɔ kɑ gɔ̃ru dobu.
I nɑ win mi, i n womusu mɔ̀ kɑ yɛ̃ɛribu.
3 I n yɛ̃ mɑ wi turowɑ u sɑ̃ɑ Gusunɔ.
Wiyɑ u sun tɑkɑ kuɑ.
Sɑ sɑ̃ɑwɑ win tɔmbu.
Sɑ sɑ̃ɑwɑ nge yɑ̃ɑ gɔ̃ɔ ge u kpɑre.
4 I duo win sɑ̃ɑ yerɔ i nùn siɑrɑ.
I duo mi, i nùn tɔmɑ.
I nùn wɔlle suo.
I win yĩsiru bɛɛrɛ wɛ̃ɛyɔ.
5 U sɑ̃ɑwɑ tɔn geo.
Win kĩru tɑ ǹ nɔru mɔ.
U sɑ̃ɑwɑ nɑɑnɛgii sere kɑ bɑɑdommɑɔ.