87
1 Womu geniwɑ Koren bibu bɑ kuɑ. Bɑ nɛɛ,
1-2 Yinni Gusunɔ u Yerusɑlɛmun kpɛɛkpɛɛku swĩiwɑ
guu te win tii u gɔsɑ u dɛɛrɑsiɑn wɔllɔ.
U Yerusɑlɛmu ye kĩ n kere wuu si su wɑ̃ɑ Yɑkɔbun bweserun tem kpuro sɔɔ.
3 Yerusɑlɛmu, Gusunɔn wuu,
bɑ wunɛn bɛɛrɛ bɑkɑn gɑri gerumɔ.
4 Nɛ, Yinni Gusunɔ, nɑ̀ n bwesenun yĩsinu yorumɔ ni nu mɑn yɛ̃,
kon Egibitigibu kɑ Bɑbilonigibu kɑ Filisitibɑ kɑ Tirigibu kɑ Etiopigibun yĩsinu yore.
Domi bɑ bu mɑrɑwɑ Yerusɑlɛmu mini.
5 Adɑmɑ Yerusɑlɛmugibu bɑ koo nɛɛ, ben temɑ mi kɑ gem.
Wɔrukoowɑ u mɛn kpɛɛkpɛɛku swĩi.
6 Yinni Gusunɔ u koo bwesenun yĩsinu yore kpɑ u nɛɛ,
Yerusɑlɛmuɔrɑ bɑ bu mɑrɑ.
7 Be bɑ womusu mɔ̀ bɑ yɑɑmɔ, bɑ koo nɔɔgiru suɑ bɑ n mɔ̀,
Yinni, bɛsɛn nuuru kpuro tɑ woowɑ wunɛn mi.