82
1 Womu ge Asɑfu u kuɑ. Ge wee.
Gusunɔ u wɑ̃ɑ wɔllun tɔmbun suunu sɔɔ.
Miyɑ u wɑ̃ɑ u kɑ sirimɔ. U nɛɛ,
2 sere sɑɑ yerɑ̀ i ko i n wɑ̃ɑ i n sirimɔ kɑ weesu,
i n yɔ̃ tɑɑrɛgibun biruɔ.
3 I dɑm sɑrirugibu kɑ gobekubɑ ben gem wɛ̃ɛyɔ.
I wɔnwɔndobu kɑ sɑ̃ɑrobu ben gem wɛ̃ɛyɔ.
4 I dɑm sɑrirugibu kɑ be bɑ dɑm dɔremɔ fɑɑbɑ koowo.
I bu wɔro tɔn kɔ̃sobun nɔmɑn di.
5 Adɑmɑ bɛɛ, i ǹ gɑ̃ɑnu gɑnu yɛ̃.
I ǹ mɑɑ bwisi gɛɛ mɔ. I kom kɔ̃sum mɔ̀wɑ,
mɑ yɑ derɑ gem mu doonɑ hɑnduniɑn di.
6 Nɑ rɑɑ nɛɛ, i sɑ̃ɑwɑ wɔllun tɔmbu.
I sɑ̃ɑwɑ Wɔrukoon bibu.
7 Adɑmɑ i ko i gbiwɑ nge tɔn dirobu.
I ko i gbiwɑ nge sinɑmbu kpuro.
8 Gusunɔ, ɑ seewo ɑ hɑnduniɑ siri.
Domi wunɑ ɑ bwesenu kpuro mɔ.