64
1 Womu ge Dɑfidi u wom kowobun wirugii kuɑ. Ge wee.
2 Gusunɔ, ɑ nɛn nɔɔ nɔɔwɔ sɑnɑm mɛ nɑ weeweenu mɔ̀.
A mɑn kɔ̃suo nɛn yibɛrɛ wi nɑ nɑsien sɔ̃.
3 A mɑn yɑro tɔn kɔ̃sobun wesiɑnɔsun di.
Kpɑ ɑ mɑn yɑrɑ dɑɑ kɔ̃sɑgibun suunun di.
4 Bɑ ben yɑrɑ nɔɔ derɑmɔ nge tɑkobi,
kpɑ bɑ n gɑri kɔ̃si kɑsukumɔ nge sɛ̃ɛnu,
5 bu kɑ wi u kun gɑ̃ɑnu kue to ɑsiri sɔɔ.
6 Bɑ tii dɑm kɛ̃mɔwɑ kɔ̃sɑn kobu sɔɔ.
Bɑ rɑ nɔɔ tiɑ ko bu kɑ tɔmbu yinɑ bɛriɑ
bɑ n mɔ̀, goo kun bu wɑsi.
7 Kɔ̃sɑ bɑ himbɑ mɔ̀ bɑ mɔ̀, ben kpunɑɑ ye, yɑ wɑ̃wɑ mɑm mɑm.
Domi goo kun kpɛ̃ u tɔnun gɔ̃run gɑri tubu.
8 Gusunɔ u bu sɛ̃ɛnu twee.
Wee nu bu girɑri.
9 U bu mwɑ kɑ ben tii tiin gɑri.
Be bɑ bu wɑ kpuro bɑ rɑ wii gimɑnu kowɑ.
10 Kpɑ bɛrum mu be kpuro mwɑ bɑ n kpɑrɑmɔ ye Gusunɔ u kuɑ,
kpɑ bɑ n yen bwisikunu mɔ̀.
11 Yinni Gusunɔn miyɑ gemgii u rɑ kuku yeru kɑ nuku dobu wɑ.
Kpɑ bèn gɔ̃ru gɑ dɛɛre bu bɛɛrɛ wɑ win mi.