56
1 Womu ge Dɑfidi u wom kowobun wirugii kuɑ. Bɑ gu kuɑwɑ kɑ dɔkɔ te tɑ sɑ̃ɑre nge kpɑrukogiru ge gɑ sumɔ dɑ̃ɑ bɑkɑru gɑrun wɔllɔ. Dɑfidi u womu ge kuɑwɑ sɑnɑm mɛ Filisitibɑ bɑ nùn mwɑ bɑ nɛni Gɑtiɔ. Ge wee.
2 Gusunɔ, ɑ nɛn wɔnwɔndu wɑɑwo,
domi tɔn dɑbirɑ tɑ mɑn buku buku mɔ̀.
Tɑ kɑ mɑn tɑbu mɔ̀,
mɑ tɑ mɑn nɔni sɔ̃ɔmɔ tɔ̃ɔ bɑɑtere.
3 Nɛn yibɛrɛ be, bɑ dɑbi,
bɑ mɑn buku buku mɔ̀wɑ sɑɑ kpuro,
be, be bɑ kɑ mɑn tɑbu mɔ̀ mi,
bɑ mɑn wɔri bɑ tɑɑre.
4 Bɛrum mù n mɑn mwɑ.
Wunɑ nɑ rɑ n nɑɑnɛ sɑ̃ɑ.
5 Yinni, nɑ nun siɑrɑ gɑri yi ɑ geruɑn sɔ̃.
Nɑ ǹ gɑ̃ɑnu gɑnun bɛrum mɔ,
domi nɑ nun nɑɑnɛ sɑ̃ɑ.
Mbɑ tɔnu u koo kpĩ u mɑn kuɑ.
6 Tɔ̃ɔ bɑɑtere bɑ rɑ mɑn gɑri kɔsiwɑ,
kpɑ bɑ n mɑn gɑ̃ɑ kɔ̃sunu bwisikusimɔ.
7 Bɑ nɔɔ tiɑ kuɑ, bɑ mɑn sɑkiriɑmmɛ.
Bɑ nɛn yirɑ kɑsu bu kɑ mɑn hunde wunɑ.
8 Domi bɑ tɑmɑɑ kɔ̃sɑ yɑ koo bu yɑrɑ.
Yinni, ɑ bu suro kɑ mɔru.
9 A nɛn yirɑ kpuro swĩi mi nɑ kpikiru dɑ.
A nɛn nɔni yĩresu gɑ̃rio wunɛn bwɑ̃ɑru\f |b56:9 bwɑ̃ɑru|d - Bwɑ̃ɑ te, Yuubɑ bɑ rɑ tu kowɑ kɑ gɔnɑ.\F sɔɔ.
A sin geeru yoruɑ wunɛn tireru sɔɔ.
10 Gusunɔ, nɑ̀ n nun nɔɔgiru sue,
nɛn yibɛrɛbɑ bɑ koo biru wurɑ.
Domi nɑ yɛ̃ kɑm kɑm mɑ ɑ sɑ̃ɑwɑ nɛgii.
11 Yinni Gusunɔ, nɑ nun siɑrɑ gɑri yi ɑ geruɑn sɔ̃.
Mɛyɑ kon mɑɑ nun tɔmɑ wunɛn gɑri yin sɔ̃.
12 Nɑ ǹ gɑ̃ɑnu gɑnun bɛrum mɔ,
domi nɑ nun nɑɑnɛ sɑ̃ɑ Yinni.
Ǹ n mɛn nɑ, mbɑ tɔnu u koo kpĩ u mɑn kuɑ.
13 Gusunɔ, kon nɛn nɔɔ mwɛɛru yibiɑ te nɑ nun kuɑ.
Kon yɑ̃kunu ko n kɑ nun siɑrɑ.
14 Domi ɑ mɑn yɑrɑ sɑɑ gɔɔn di.
Mɛyɑ ɑ ǹ derimɔ nɛn nɑɑsu su sokurɑ.
Kpɑ n kpĩ n sĩ wunɛn wuswɑɑɔ tɔmbun suunu sɔɔ.