53
(I mɑɑ mɛɛrio 14)
1 Dɑfidin womu ge u wom kowobun wirugii kuɑ kɑ gɑɑsirɑru. Ge wee.
2 Wee nge mɛ gɑri bɑkɑsu su sɑ̃ɑ.
Su rɑ nɛɛ, Gusunɔ sɑri.
Su sɑnkire. Su kom kɔ̃sum mɔ̀.
Sin gɑgu sɑri ge gɑ geɑ mɔ̀.
3 Yinni Gusunɔ u tɔmbu mɛɛrimɑ sɑɑ wɔllun di,
u kɑ wɑ goo ù n wɑ̃ɑ u bwisi mɔ,
u kɑ wɑ goo ù n wɑ̃ɑ u nùn sɑ̃ɑmɔ.
4 Adɑmɑ u wɑ be kpurowɑ bɑ kɔ̃ɔre.
Be kpurowɑ bɑ sɑnkire.
Be kpurowɑ bɑ kɔ̃sɑ mɔ̀.
Bɑɑ ben turo kun geɑ mɔ̀.
5 Ye u wɑ mɛ, yerɑ u tii bikiɑ u nɛɛ,
kɔ̃sɑn kowo be, bɑ ǹ yɛ̃ru mɔ?
Wee bɑ nɛn tɔmbu gbɛnimɔ.
Ben goo kun mɑn sɑ̃ɑmɔ.
6 Yen sɔ̃, bɑ koo nɑndɑ bu diiri
sɑnɑm mɛ gɑ̃ɑ bɛrumginu sɑri.
Be bɑ kɑ nun tɑbu mɔ̀,
Gusunɔ u koo ben kukunu yɑrinɑsiɑ.
Bɑ koo sekuru wɑ yèn sɔ̃ u bu yinɑ.
7 Yinni Gusunɔ, nɑ nun kɑnɑmɔ
ɑ de fɑɑbɑ kowo goo u yɑri Siɔnin di
u Isirelibɑ, Yɑkɔbun bweseru yɑrɑ dɛsirun di,
kpɑ bɑ n wɑ̃ɑ bɔri yɛndu sɔɔ.
À n kuɑ mɛ, ɑnnɑ ɑ nuku dobu wɑ bi bɑ koo ko mi.