28
1 Dɑfidin womu.
Yinni Gusunɔ, wunɑ nɑ wuri koosimɔ.
Wunɛ wi ɑ sɑ̃ɑ nge nɛn kpee bɑɑ mi nɑ rɑ kuke,
ɑ ku mɑn duɑri.
Domi ɑ̀ n mɑɑri mɛsum,
ko nɑ n sɑ̃ɑwɑ nge wi u gɔɔ dɔɔ.
2 Nɑ̀ n nɔmɑ yiiyɑ nɑ kɑnɑru mɔ̀ sɑ̃ɑ yee dɛɛrɑ ten mi,
ɑ nɛn kɑnɑru swɑɑ dɑkio.
3 A ku mɑn gɑrisi tiɑ kɑ tɔn kɔ̃sobu,
kɑ be bɑ mɑɑ kɑ ben winsim gɑri mɔ̀ nge kĩru,
ɑdɑmɑ ben gɔ̃ruɔ kɔ̃sɑ yɑ yibɑ.
4 A bu ben kookoosun ɑre wɛ̃ɛyɔ nge mɛ yi nɛ.
Ye bɑ gɑbu kuɑ, ɑ de yu wɔri ben wirɔ.
5 Domi bɑ ǹ gɑrɑ ye wunɛ Gusunɔ ɑ mɔ̀.
Yen sɔ̃, ɑ bu kɔsukuo kpɑ bu ku rɑɑ mɑɑ se.
6 Yinni Gusunɔ, wunɑ kon siɑrɑ,
domi ɑ rɑ nɛn kɑnɑru nɔ.
7 Wunɑ ɑ mɑn gɑnuɑ nge tɛrɛru,
ɑ sɑ̃ɑwɑ nɛn dɑm.
Wunɛ sɔɔrɑ nɛn nɑɑnɛ wɑ̃ɑ, domi ɑ mɑn fɑɑbɑ kuɑ.
Mɑ nɑ nuku dobu mɔ,
nɑ nun siɑrɑmɔ kɑ womusu.
8 Yinni Gusunɔ, ɑ sɑ̃ɑwɑ wunɛn tɔmbun dɑm.
Domi ɑ sɑ̃ɑwɑ nge kɑ̀rì, ɑ kɑ wi ɑ gɔsɑ fɑɑbɑ ko.
9 A wunɛn tɔmbu fɑɑbɑ koowo kpɑ ɑ bu domɑru kuɑ,
be, be bɑ sɑ̃ɑ wunɛn ɑrumɑni.
A bu kpɑro kpɑ ɑ bu nɔɔri sere kɑ bɑɑdommɑɔ.