15
1 Dɑfidin womu.
Yinni Gusunɔ, wɑrɑ koo du wunɛn sɑ̃ɑ yerɔ.
Wɑrɑ ko n wɑ̃ɑ guu te ɑ gɔsɑn mi.
2 Wiyɑ wi u sĩimɔ dee dee, u geɑ mɔ̀,
u gem gerumɔ win gɔ̃ruɔ,
3 u ku rɑ goo kɔ̃sɑ mɑni,
u ku rɑ win tɔnusi tore,
u ku rɑ win beruse wĩ,
4 u rɑ be bɑ Gusunɔ nɑsie bɛɛrɛ wɛ̃,
u rɑ wi Gusunɔ u yinɑ kɑm mɛɛri,
u rɑ win nɔɔ mwɛɛru yibie bɑɑ ǹ n mɛren nɑ n nùn sɑ̃ɑ,
5 u ku rɑ tɔmbu gobi nim dokeye,
u ku rɑ kɛ̃ru mwɛ u kɑ seedɑ weesugiɑ di.
Wi u sĩimɔ nge mɛ, u ǹ sokurɑmɔ pɑi.