14
(I mɑɑ mɛɛrio 53)
1 Dɑfidin womu ge u wom kowobun wirugii kuɑ. Ge wee.
Wee nge mɛ gɑri bɑkɑsu su sɑ̃ɑ.
Su rɑ nɛɛ, Gusunɔ sɑri.
Su sɑnkire.
Su kom kɔ̃sum mɔ̀.
Sin gɑgu sɑri ge gɑ geɑ mɔ̀.
2 Yinni Gusunɔ u tɔmbu mɛɛrimɑ sɑɑ wɔllun di,
u kɑ wɑ goo ù n wɑ̃ɑ u bwisi mɔ,
u kɑ wɑ goo ù n wɑ̃ɑ u nùn sɑ̃ɑmɔ.
3 Adɑmɑ u wɑ, be kpurowɑ bɑ kɔ̃ɔre,
be kpurowɑ bɑ sɑnkire,
be kpurowɑ bɑ kɔ̃sɑ mɔ̀.
Bɑɑ ben turo kun geɑ mɔ̀.
4 Ye u wɑ mɛ, yerɑ u tii bikiɑ u nɛɛ,
kɔ̃sɑn kowo be, bɑ ǹ yɛ̃ru mɔ?
Wee bɑ nɛn tɔmbu gbɛnimɔ,
ben goo kun mɑn sɑ̃ɑmɔ.
5 Yen sɔ̃, kon de bu diiri gem gem
domi ko nɑ n wɑ̃ɑ be bɑ mɑn mɛm nɔɔwɑmmɛn suunu sɔɔ.
6 Bɛɛ kɔ̃sɑn kowobu, i sɑ̃ɑrobun himbɑ sɑnkumɔ,
i bu sekuru dokemɔ.
Adɑmɑ Yinni Gusunɔ u bu kɔ̃su.
7 Yinni Gusunɔ, nɑ nun kɑnɑmɔ,
ɑ de fɑɑbɑ kowo goo u yɑri Siɔnin di
u Isirelibɑ, Yɑkɔbun bweseru yɑrɑ dɛsirun di,
kpɑ bɑ n wɑ̃ɑ bɔri yɛndu sɔɔ.
À n kuɑ mɛ,
ɑnnɑ ɑ nuku dobu wɑ bi bɑ koo ko mi.