Ye Yinni Gusunɔ
u Isirelibɑ kuɑ
29
1-2 Mɔwisi u Isirelibɑ kpuro mɛnnɑ u bu sɔ̃ɔwɑ u nɛɛ, bɛɛn tii i wɑ sɔm mɑɑmɑɑkigii ni Yinni Gusunɔ u kuɑ, kɑ nɔni swɑ̃ɑ ni u Egibitin sunɔ kɑ win sɔm kowobu kpuro kpɛ̃ɛ ben tem mɛ kpuro sɔɔ. 3 Adɑmɑ sere kɑ tɛ̃ u#ǹ dere i tubu ye bɛɛn nɔni wɑ kɑ ye bɛɛn swɑsu nuɑ. 4 U bɛɛ kpɑrɑ gbɑburɔ wɔ̃ɔ weeru mɑ bɛɛn yɑ̃ɑ ni i doke nu#ǹ gɛ̃ɛkire, bɛɛn bɑrɑnu kun mɑɑ diire nu sere kpe. 5 U#ǹ dere i pɛ̃ɛ di. I#ǹ mɑɑ tɑm nɔrure. Win tiiwɑ u bɛɛ nɔɔri i kɑ tubu mɑ wiyɑ u sɑ̃ɑ Gusunɔ bɛɛn Yinni. 6 Sɑnɑm mɛ sɑ tunumɑ mini, Sihoni, Hɛsibonin sunɔ kɑ Ogu, Bɑsɑnin sunɔ bɑ yɑrimɑ bɑ sun tɑbu wɔri mɑ sɑ kɑ bu tɑbu kuɑ sɑ kɑmiɑ. 7 Sɑ ben tem mwɑ sɑ Rubɛnin bwese kɛrɑ kɑ Gɑdin bwese kɛrɑ kɑ Mɑnɑsen bwese kɛrɑn sukum wɛ̃. 8 Yen sɔ̃, i de i woodɑ yen gɑri mɛm nɔɔwɑ kpɑ ye i mɔ̀ kpuro yu bɛɛ wɛ̃rɑ.
I ɑrukɑwɑni ye nɛnuɔ n wɑ̃
9-10 Mɔwisi u mɑɑ nɛɛ, wee gisɔ i nɑ Gusunɔ bɛsɛn Yinnin wuswɑɑɔ kɑ bɛɛn bwese kɛrin wirugibu kɑ yin guro gurobu kɑ yin tɑbu sinɑmbu, bɛɛ Isirelibɑ kpuro gesi kɑ bɛɛn kurɔbu kɑ bibu kɑ sere tɔn tukobu be bɑ wɑ̃ɑ bɛɛn suunu sɔɔ kɑ bɛɛn sɔm kowobu be bɑ rɑ bɛɛ dɑ̃ɑ kɑsue kɑ be bɑ nim tɑkirimɔ. 11 Bɛɛ kpurowɑ i mɛnnɑ i kɑ Yinni Gusunɔ ɑrukɑwɑni bɔke. Tɛ̃, u bɛɛ kɑnɑmɔ i ye wuro kɑ bɔ̃ri, 12 kpɑ i n sɑ̃ɑ win tɔmbu kpɑ wi, u n mɑɑ sɑ̃ɑ bɛɛn Yinni nge mɛ u bɛɛn sikɑdobɑ Aburɑhɑmu kɑ Isɑki kɑ Yɑkɔbu nɔɔ mwɛɛru kuɑ mɑ u bɛɛn tii sɔ̃ɔwɑ mɛ. 13 N ǹ mɔ bɛɛ tɔnɑ u kɑ ɑrukɑwɑni ye bɔkuɑ kɑ bɔ̃ri, 14 kɑ be bɑ mɛnnɛ win wuswɑɑɔ mini kpurowɑ kɑ mɑm be bɑ kun wɑ̃ɑ minin tii kpuro.
15 Bɛɛn tii i yɛ̃ nge mɛ sɑ rɑɑ kɑ wɑ̃ɑ Egibitiɔ kɑ nge mɛ sɑ sinɑ bwese tukunun suunu sɔɔ nìn tem sɑ sɑsirɑ. 16 I ben bũu kɑmgii ni wɑ ni bɑ kuɑ kɑ dɑ̃ɑ kɑ kpenu kɑ sii geesu kɑ sere mɑɑ wurɑ. 17 Yen sɔ̃, bɛɛn suunu sɔɔ, goo ǹ kun mɛ yɛnu gɑgu ǹ kun mɛ bwese kɛrɑ gɑɑ yu ku rɑɑ Gusunɔ bɛsɛn Yinni biru kisi kpɑ yu dɑ yu bwese tuku nin bũnu sɑ̃. Bɛɛn suunu sɔɔ, goo u ku rɑɑ gɔsirɑ u ko nge dɑ̃ɑ ye yɑ dɛ̃ɛ mɔ. 18 Wi u ɑrukɑwɑni yen gɑri nuɑ ye bɑ bɔkuɑ kɑ bɔ̃ri mi, u ku tii suɑ win gɔ̃ruɔ u nɛɛ, u koo bɔri yɛndu wɑ bɑɑ ù n win tiin kĩru mɔ̀, kpɑ u de goo u wɔri bũu sɑ̃ɑru sɔɔ. 19 Yinni Gusunɔ kun nùn suuru kuɑmmɛ. Win mɔru kɑ win nisinu koo wɔriwɑ yɛ̃ro sɔɔ. Bɔ̃ri yi bɑ yoruɑ tire te sɔɔ, yi koo nùn diwɑ kpɑ Yinni Gusunɔ u de bu win yĩsiru duɑri hɑnduniɑ sɔɔ. 20 U koo yɛ̃ro wunɑwɑ Isirelibɑn bwese kɛrin suunu sɔɔn di nge mɛ bɔ̃ri yi, yi gerumɔ woodɑn tire te sɔɔ.
Yinni Gusunɔn bɔ̃ri
yi koo bu di
21 Sɔ̃ɔ teeru bii be bɑ koo rɑ mɑrurɑ kɑ sɔɔ be bɑ koo rɑ nɑ sɑɑ tontonden di, bɑ koo wɑ ɑsɔrɔ ye yɑ bɛɛn wuu kuɑ kɑ nge mɛ Yinni Gusunɔ u bɛɛn tem mɛ kɑm koosiɑ 22 kɑ sɔ̃ɔ bisu kɑ bɔru sere bɑ#ǹ kpɛ̃ bu gɑ̃ɑnu duure, gɑ̃ɑnu kun mɑm kpɛ̃ nu kpi mɛ sɔɔ bɑɑ yɑkɑsu su#ǹ seemɔ mi. Bɑ mu kpeerɑsiɑwɑ nge Sodomu kɑ Gomɔrɑ kɑ Adimɑ kɑ Seboimu, wuu si Yinni Gusunɔ u kpeerɑsiɑ kɑ win mɔru bɑkɑ. 23 Sɑɑ yerɑ bwese ni, nu koo bikiɑ nu nɛɛ, mbɑn sɔ̃nɑ Yinni Gusunɔ u tem mɛ kuɑ mɛsum. Mbɑn sɔ̃nɑ u mu kpeerɑsiɑ kɑ win mɔru bɑkɑ. 24 Kpɑ bu bu wisi bu nɛɛ, mɛn tɔmbu bɑ ɑrukɑwɑni ye kusiɑwɑ ye wi, Gusunɔ ben sikɑdobɑn Yinni u kɑ bu bɔkuɑ sɑnɑm mɛ u bu yɑrɑmɑ Egibitin di. 25 Mɑ bɑ bũnu sɑ̃ɑru wɔri ni bɑ#ǹ dɑɑ yɛ̃ ni Yinni Gusunɔ u bu yinɑri. 26 Yen sɔ̃nɑ u mɔru kuɑ u bu bɔ̃ri yi yi wɑ̃ɑ tire te sɔɔ sure. 27 Mɑ u win tɔmbu girɑ u yɑrɑ tem min di kɑ win dɑm bɑkɑm bɑ dɑ bɑ wɑ̃ɑ tem tukumɔ mi bɑ bu wɑɑmɔ gisɔ.
28 Ye yɑ beruɑ, Yinni Gusunɔ turowɑ u ye yɛ̃. Adɑmɑ bɛsɛgiɑ ye u sun sɔ̃ɔsi bɛsɛ kɑ bɛsɛn bibun bweseru kpɑ su win woodɑ ye mɛm nɔɔwɑ.