Isirelibɑ bɑ koo wurɑ
Yinni Gusunɔn mi
30
1 Sɑnɑm mɛ bɔ̃ri kɑ domɑrun gɑri yi nɑ bɛɛ sɔ̃ɔwɑ kpuro yi bɛɛ deemɑ, mɑ Yinni Gusunɔ u bɛɛ girɑ i dɑ i wɑ̃ɑ tem tukumɔ, 2 mɑ i gɔ̃ru gɔsiɑ i wurɑmɑ win mi, mɑ i win gere mɛm nɔɔwɑ kɑ gɔ̃ru tiɑ bɛɛ kɑ bɛɛn bibu nge mɛ nɑ bɛɛ yiiremɔ gisɔ, 3 sɑɑ ye sɔɔrɑ wi, Yinni Gusunɔ u koo bɛɛ wɔnwɔndu kuɑ kpɑ u kɑ bɛɛ wurɑmɑ mìn di u rɑɑ bɛɛ yɑrinɑsiɑ i yoru dimɔ. 4 Ù n dɑɑ derɑ bɑ kɑ bɛɛ yoru dɑ n tomɑ, u koo dɑ u bɛɛ kɑsumɑ 5 u kɑ bɛɛ wurɑmɑ tem mɛ bɛɛn bɑɑbɑbɑ bɑ rɑɑ mɔ sɔɔ kpɑ i n mu mɔ. U koo bɛɛ geɑ kuɑ n kere bɛɛn bɑɑbɑbɑ kpɑ i bu dɑbiru kerɑ. 6 Yinni Gusunɔ u koo bɛɛn gɔ̃rusu kɑ bɛɛn bibugisu dɛɛrɑsiɑ kpɑ i nùn kĩɑ kɑ gɔ̃ru tiɑ kɑ bɛɛn bwɛ̃rɑ kpuro kpɑ i wɑ i n wɑ̃ɑ. 7 Sɑɑ ye, kpɑ u bɔ̃ri yi yi wɑ̃ɑ tire te sɔɔ bɛɛn yibɛrɛbɑ sure be bɑ bɛɛ tusɑ bɑ nɔni sɔ̃ɔwɑ mi. 8 Bɛɛ mɑɑ, i ko i gɔsirɑmɑ i wi, Yinni Gusunɔ mɛm nɔɔwɑ, kpɑ i win woodɑbɑ swĩi ye nɑ bɛɛ wɛ̃ɛmɔ mini gisɔ. 9 Yinni Gusunɔ u koo bɛɛ dukiɑ yibie kpɑ u bɛɛ kuurɑsiɑ ye i mɔ̀ kpuro sɔɔ. U koo bɛɛn bibu kɑ bɛɛn yɑɑ sɑbenu kɑ bɛɛn gbeɑn dĩɑnu dɑbiɑsiɑ. Domi u koo mɑɑ bɛɛn doo nɔɔru kĩɑ nge mɛ u rɑɑ yellu bɛɛn sikɑdobɑgiru kĩɑ. 10 Yeni kpuro yɑ koo koorɑ ì n wurɑmɑ win mi kɑ gɔ̃ru teu kɑ bɛɛn bwɛ̃rɑ kpuro mɑ i win gere mɛm nɔɔwɑ mɑ i win woodɑbɑ swĩi dee dee ye bɑ yoruɑ win tire te sɔɔ.
Gusunɔn gɑri yi wɑ̃ɑ turuku
11 Woodɑ ye nɑ bɛɛ wɛ̃ɛmɔ mini gisɔ, yɑ#ǹ sɛ̃ yu kɑ bɛɛ yeeri. Yɑ#ǹ mɑɑ sɛ̃ i kɑ ye mɛm nɔɔwɑ. 12 Yɑ#ǹ wɑ̃ɑ wɔllɔ bu sere nɛɛ, wɑrɑ u koo dɑ wɔllɔ u kɑ sun ye nɑɑwɑ u sun nɔɔsiɑ su sere ye mɛm nɔɔwɑ. 13 Yɑ#ǹ mɑɑ wɑ̃ɑ dɑɑrun guru giɔ bu sere nɛɛ, wɑrɑ u koo nim wɔ̃ku tɔburɑ u dɑ u kɑ sun ye nɑɑwɑ u sun nɔɔsiɑ su sere ye mɛm nɔɔwɑ. 14 Kɑ gem woodɑ ye, yɑ wɑ̃ɑwɑ bɛɛn bɔkuɔ kɑ bɛɛn nɔsɔ kɑ bɛɛn gɔ̃rusɔ. I ko i kpĩ i ye mɛm nɔɔwɑ.
I de i wɑ̃ɑru gɔsi
15 Bɛɛ Isirelibɑ, wee nɑ wɑ̃ɑru kɑ geɑ kɑ mɑɑ gɔɔ kɑ kɔ̃sɑ yiimɔ bɛɛn wuswɑɑɔ i kɑ gɔsi. 16 Yen sɔ̃nɑ nɑ bɛɛ yiiremɔ gisɔ, i Gusunɔ bɛɛn Yinni kĩɔ kpɑ i sĩ win swɛɛ sɔɔ. Kpɑ i win woodɑbɑ mɛm nɔɔwɑ kɑ win gere kɑ win yiirebu kpɑ i kpĩ i n wɑ̃ɑ i n dɑbiɑmɔ. Sɑɑ ye sɔɔ, u koo bɛɛ domɑru kuɑ tem mɛ i ko i mwɑ sɔɔ i n mɔ. 17 Adɑmɑ bɛɛn gɔ̃ru gɑ̀ n sĩirɑ mɑ i#ǹ nùn mɛm nɔɔwɛ, mɑ i dɑ i bũnu sɑ̃ɑmɔ, 18 nɑ bɛɛ sɔ̃ɔmɔ mɑ i ko i gbiwɑ tem mɛ sɔɔ mɛ i ko i mwɑ i n mɔ mi, ì n Yuudɛnin dɑɑru tɔburɑ.
19 Wɔllu kɑ temɑ mu sɑ̃ɑ nɛn seedɑ gisɔ mɑ nɑ bɛɛ wɑ̃ɑru kɑ gɔɔ, kɑ mɑɑ domɑru kɑ bɔ̃ri yiiyɑmmɛ. Ǹ n mɛn nɑ, i wɑ̃ɑru gɔsio kpɑ i wɑ i n wɑ̃ɑ bɛɛ kɑ bɛɛn bibun bweserɔ. 20 Kpɑ i Gusunɔ bɛsɛn Yinni kĩɑ i n kɑ nùn mɑninɛ kpɑ i n nùn mɛm nɔɔwɑmmɛ. Domi yerɑ yɑ koo de i n wɑ̃ɑ kpɑ yu bɛɛn wɑ̃ɑru dɛnyɑsiɑ i kɑ wɑ i n wɑ̃ɑ tem mɛ sɔɔ, mɛ u bɛsɛn sikɑdobɑ Aburɑhɑmu kɑ Isɑki kɑ Yɑkɔbu nɔɔ mwɛɛru kuɑ.MƆWISIN NƆƆ KANABU KA WIN GƆƆ