ISIRELIBAN SANUM GBABURU SƆƆ
Gɑbu bɑ tire te yĩsiru kɑ̃wɑ Gɑri Gɑri yèn sɔ̃ te sɔɔrɑ bɑ Isirelibɑ gɑrɑ sɑnɑm mɛ bɑ yɑrimɑ Egibitin di. Adɑmɑ sɑ̀ n mɛɛrɑ sɑ̃ɑ sɑ̃ɑ, sɑ ko wɑ mɑ yĩsi te, tɑ ǹ kɑ tire ten gɑri kpuro yɑ̃. Domi ten gɑri mɛro yɑ sɑ̃ɑwɑ Isirelibɑn sirenɑbu wɔ̃ɔ weeru Sinɑin gbɑburɔ. Yen sɔ̃nɑ bɑ tu sokɑ kɑ Heberum Gbɑburun Tireru. Wɔ̃ɔ wee te sɔɔ, Isirelibɑ bɑ wururɑ bɑ nuki sɑnkirɑ, bɑ ben gutururu sɔ̃ɔsi kɑ sere ben nɑɑnɛ sɑriru Yinni Gusunɔn mi, ye bɑ kɑ nùn seesi nɔn dɑbinu. Adɑmɑ Yinni Gusunɔ u ǹ kɑ bu kɔ̃sɑ nɛnuɑ. U bu win durom kɑ win tɔn geeru sɔ̃ɔsiwɑ. Kɑ mɛ, u ku rɑ de u kun bu sɛɛyɑsie. Domi u sɑ̃ɑwɑ gemgii.
Tire ten kpunɑɑ
1. Sɑnum sɔɔru, wiru 1n di sere wiru 10:10.
2. Isirelibɑn sɑnum Sinɑin guurun di n kɑ dɑ Mɔɑbubɑn temɔ, wiru 10:11n di sere wiru 21.
3. Isirelibɑ Mɔɑbubɑn temɔ, wiru 22n di sere wiru 25.
4. Kɑnɑnin tem dubun sɔɔru, wiru 26n di sere wiru 36.