Kurɔ wi bɑ yinɑ
24
1 Goo ù n kurɔ suɑ mɑ u kurɔ wi gɑ̃ɑnu wɑɑsi ye yɑ#ǹ kɑ nùn nɑɑwɛ, mɑ u kurɔ wi yinɑnɑɑn tireru yoruɑ u nùn nɔmu bɛriɑ, mɑ u nùn girɑ win yɛnun di u doonɑ, 2 mɑ yen biru, kurɔ wi, u dɑ u mɔre durɔ goon mi, 3 durɔ dɑ̃ɑko win tii ù n nùn yinɑbun tireru yoruɑ, mɑ u nùn yinɑ, u nùn yɑrɑ win yɛnun di ǹ kun mɛ ù n gu, 4 win durɔ gbiikoo wi u rɑɑ nùn yinɑ mi, u ku mɑɑ nùn kɑsu bu mɛnnɑ. Domi kurɔ wi, u kuɑ disigii. Yeyɑ Yinni Gusunɔ u tusɑ. Ì n kuɑ mɛ, i tem mɛ Gusunɔ bɛsɛn Yinni u bɛɛ wɛ̃ bɛɛrɛ sɑri kookoosu koosiwɑ mi.
Wi u kurɔ kpɑo suɑ
5 Goo ù n kurɔ kpɑo suɑ, u ku tɑbu dɑ. Mɛyɑ bu ku mɑɑ nùn tilɑsi gɑɑ ko. Bu de u n tii mɔ sere wɔ̃ɔ tiɑ, kpɑ u wɑ u win kurɔ wi nukuru dorɑsiɑ.
Tɔrubɑn woodɑ
6 N ǹ weenɛ i goon nɛɛru tɔrubɑ mwɑ bɑɑ ten biɑ. Domi ì n kuɑ mɛ, i mwɑwɑ mi ye n ko n de u n wɑ̃ɑ.
Tɔnu wi u win tɔnusi gbɛnɑn
woodɑ
7 Bɛɛn goo ù n win Isirelisi mwɑ u gɔsiɑ yoo ǹ kun mɛ u nùn dɔrɑ, i ko i yɛ̃ro wi gowɑ. Nge mɛyɑ i ko i kɑ kɔ̃sɑ yen bweseru wunɑ bɛɛn suunu sɔɔn di.
Bɑrɑ disigirun woodɑ
8 I de i be bɑ bɑrɑ disigiru mɔ lɑɑkɑri ko gem gem kpɑ i ko nge mɛ yɑ̃ku kowobu Lefibɑ bɑ koo bɛɛ sɔ̃ɔsi. Nge mɛ nɑ yiire i ko, nge mɛyɑ i ko i ko mɑm mɑm. 9 I yɑɑyo ye Gusunɔ bɛsɛn Yinni u Mɑriɑmu kuɑ sɑɑ ye sɑ wee Egibitin di sɑ wɑ̃ɑ swɑɑɔ.
Tɔrubɑn gɑri
10 Ì n bɛɛn Isirelisi goo gɑ̃ɑnu bɔkurɑ, i ku du win dirɔ i kɑ tɔrubɑ suɑ. 11 I yɔ̃ro tɔɔwɔ kpɑ wi i gɑ̃ɑnu bɔkurɑ mi u yɑrimɑ u bɛɛ tɔrubɑ wɛ̃. 12-13 Ì n yɑ̃ɑro gɑ̃ɑnu bɔkurɑ mɑ u bɛɛ win yɑberu tɔrubɑ wɛ̃, i ku de tɑ n wɑ̃ɑ bɛɛn mi sere yɑm mu kɑ tĩrɑ. Bɑɑ ǹ n kuɑ ɑmɔ, sɔ̃ɔ ù n duɑ, i ko i nùn win yɑbe te wesiɑwɑ kpɑ u wɑ u tu wukiri u kɑ kpunɑ. Kpɑ u bɛɛ domɑru kuɑ kpɑ Gusunɔ bɛsɛn Yinni u mɑɑ bɛɛ siɑrɑ.
I yɑ̃ɑrobu bɛɛrɛ wɛ̃ɛyɔ
14 Ì n yɑ̃ɑro goo mɔ sɔm kowo, ù n sɑ̃ɑ Isireli ǹ kun mɛ sɔɔ, i ku nùn tɑki di. 15 I nùn win sɔmburun gobi wɛ̃ɛyɔ bɑɑdommɑ sɔ̃ɔ u sere du. Domi u sɑ̃ɑwɑ yɑ̃ɑro, u win gobin bukɑtɑ mɔ geɑ. Ì kun kue mɛ, mɑ u Yinni Gusunɔ nɔɔgiru sue bɛɛn sɔ̃, i ko i tɑɑrɛ wɑ.
Bɑɑwurewɑ
u koo win torɑrun ɑre wɑ
16 Bɑ#ǹ tɔnu goomɔ win biin torɑrun sɔ̃, mɛyɑ bɑ#ǹ mɑɑ bii goomɔ win mɔwɔbun torɑrun sɔ̃. Bɑ#ǹ goo goomɔ goon torɑrun sɔ̃.
Ye bɑ koo ko yɑ̃ɑrobun sɔ̃
17 I ku rɑ ko i sɔɔ ǹ kun mɛ gobeku gem birɑ siribu sɔɔ. Mɛyɑ i ku rɑ mɑɑ gɔmini goon bekuru tɔrubɑ mwɑ. 18 Adɑmɑ i yɑɑyo mɑ sɑ rɑɑ yoru di Egibitiɔ mɑ Gusunɔ bɛsɛn Yinni u sun yɑkiɑ. Yen sɔ̃nɑ nɑ bɛɛ yiiremɔ i n dɑ woodɑ yeni swĩi.
19 Sɑɑ yè sɔɔ i bɛɛn dĩɑnu gɛ̃ɛmɔ, mɑ i yen gɛsɛ tiɑ duɑri gbee suunu sɔɔ, i ku mɑɑ wurɑ i ye suɑ. I de yu ko sɔbu kɑ gobekubɑ kɑ gɔminibugiɑ, kpɑ Gusunɔ bɛɛn Yinni u wɑ u bɛɛn nɔmɑn sɔmɑ kpuro domɑru kuɑ. 20 Ì n yɔɔwɑ bɛɛn dɑ̃ɑ ye bɑ mɔ̀ olifin wɔllɔ i ye sɔrɑ, i ku rɑ mɑɑ wure i yɔ i ye i duɑri sɔri. I de ye, yu ko sɔbu kɑ gobekubɑ kɑ gɔminibugiɑ. 21 Sɑnɑm mɛ i bɛɛn resɛm binu sɔrimɔ, i ku rɑ mɑɑ gɔsirɑ i wurɑ biruɔ. Ye i deri mi, yeyɑ yɑ koo ko sɔbu kɑ gobekubɑ kɑ gɔminibugiɑ. 22 Bɛɛn tii i yɑɑyo mɑ i yoru di Egibitiɔ. Yen sɔ̃nɑ nɑ bɛɛ yiiremɔ i n dɑ yeni swĩi.